پاۆلودار زاۋىتىنداعى جوندەۋ جۇمىستارىنىڭ سالدارىنان ەلدە ديزەل وتىنىنىڭ تاپشىلىعى سەزىلەدى. سەبەبى اتىراۋ مەن شىمكەنتتەگى زاۋىت ىشكى نارىقتىڭ قاجەتىن تولىق قامتاماسىز ەتە المايدى. وتكەن ءبىر اپتادا قازاقستانعا شەتەلدەن 15 مىڭ توننا ءونىم جەتكىزىلدى. پاۆلودارداعى زاۋىت قازان ايىنىڭ سوڭىندا اياقتالۋى ءتيىس. سول كەزدە وتىن ءوندىرىسى رەتتەلمەك.
«قازىر ءىرى جانار-جاعارماي قۇيۋ ستانسالارىندا ديزەل وتىنىنىڭ باعاسى 207-208 تەڭگەنى قۇرايدى. قالعاندارى 230-240 تەڭگەدەن ساۋدالاپ جاتىر. كورشى ەلدەردە وتىن قۇنى الدەقايدا قىمبات بولعاندىقتان, ەلگە كەلگەندەر ديزەلدى بىزدەن ساتىپ الۋعا تىرىسادى. پاۆلودار زاۋىتىندا جوندەۋ جۇمىستارى باستالاتىندىقتان, ءبىز وتىندى كورشى رەسەيدەن يمپورتتاۋعا ءماجبۇرمىز. ءتيىستى كەلىسسوز جۇرگىزدىك», دەدى قر ەنەرگەتيكا ءمينيسترىنىڭ ورىنباسارى اسەت ماعاۋوۆ.
