سپورت • 28 قىركۇيەك، 2021

بياتلوننان بەيجىڭ وليمپياداسىنىڭ ىرىكتەۋ كەزەڭىنە وزگەرىس ەنگىزىلدى

33 رەت كورسەتىلدى

قىسقى ماۋسىم جاقىنداعان سايىن بەيجىڭ وليمپياداسىنىڭ دا قاراسى كورىنە باستايدى. سەبەبى تورتجىلدىق دوداسىنا ىرىكتەۋ تۋرنيرلەرى الداعى ماۋسىمنان باستاپ كۇشەيتىلگەن رەجيممەن وتكىزىلەدى، دەپ جازادى Egemen.kz.

بىلتىرعى ماۋسىم باستالاردا بياتلوننان بەيجىڭ وليمپياداسىنا ىرىكتەۋ تۋرنيرىندە وزگەرىس بولاتىنى انىقتالدى.

اتاپ ايتساق، وليمپيادا كۆوتاسى بۇرىنعىداي ۇلتتار كۋبوگىنىڭ قورىتىندىسى بويىنشا بەرىلمەيدى. جولداما ۇلەستىرۋ ءۇشىن ارنايى وليمپيادالىق رەيتينگ قۇرىلادى. كوروناۆيرۋستى ينفەكتسياعا بايلانىستى الەمدەگى جاعدايدى ەسكەرە وتىرىپ، ۇيىمداستىرۋشىلار ىرىكتەۋ باسەكەلەرىن 16 قاڭتارعا دەيىن سوزدى. دەمەك، بەيجىڭگە باراتىن كوماندالار مەن سپورتشىلار وليمپيادانىڭ باستالۋىنا ءۇش اپتا قالعاندا تولىق انىقتالادى.

جالپى العاندا، ورىنداردى ءبولۋ ەرەجەسى وزگەرگەن جوق. وليمپيادالىق رەيتينگتەگى ۇزدىك ءۇش كوماندا تورتجىلدىق دوداسىنا التى سپورتشىسىن جىبەرە الادى. رەيتينگتە ءتورت پەن ونىنشى ورىن ارالىعىندا تۇرعان كوماندالار بەس كۆوتاعا ۇمىتكەر بولماق. ونىنشى ورىننان تومەن  تۇرعان ون كوماندانىڭ دا ەستافەتادا باق سىناۋعا مۇمكىندىگى بار.

ەسكە سالا كەتەيىك، ازىرگە قازاقستاندىق بياتلونشىلاردا ءتورت كۆوتا بار. رەيتينگىلىك الەم كۋبوگى كەزەڭى بيىلعى ماۋسىمدا شۆەتسيانىڭ ەستەرسۋند قالاسىندا باستالادى. 27-28 قاراشا الەم كۋبوگىنىڭ بيىلعى ماۋسىمداعى ءبىرىنشى كەزەڭى وتپەك. ال وليمپيادا قارساڭىنداعى شەشۋشى كەزەڭ 12-16 قاڭتار ارالىعىندا گەرمانيانىڭ رۋپولدينگ قالاسىندا ۇيىمداستىرىلادى. وسى ارالىقتا بياتلونشىلار الەم كۋبوگىنىڭ التى كەزەڭىندە باق سىناماق.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار