ءتيىستى تاپسىرمانى پرەزيدەنت ءوزىنىڭ قازاقستان حالقىنا جولداۋىندا بەرگەنى بەلگىلى.
بۇل جولى اگەنتتىك الاڭىندا بەلگىلى قازاقستاندىق ەكونوميستەر جينالدى. ولاردىڭ ىشىندە, كاسىپكەرلەردىڭ قۇقىقتارىن قورعاۋ جونىندەگى ۋاكىل ر.ءجۇرسىنوۆ, «TALAP» ورتالىعىنىڭ ديرەكتورى ر.وشاقباەۆ, «اتامەكەن» ۇكپ اتقارۋشى ديرەكتورى ا.قىسىقوۆ, زەرتتەۋ جانە كونسالتينگ ورتالىعىنىڭ ديرەكتورى ق.قوجىموۆ جانە «Dasco Consulting Group» باسقارۋشى سەرىكتەسى د.سادۋاقاسوۆ بار.
جيىندى اشقان سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى و.بەكتەنوۆ اتالعان قۇجاتتىڭ قوعامنىڭ بارلىق سالاسىنا قاتىستى بولاتىنىن اتاپ ءوتتى. ونىڭ ايتۋىنشا, اگەنتتىك بارلىق الەۋمەتتىك توپتاردىڭ وكىلدەرىمەن جاڭا قۇجاتتى جان-جاقتى تالقىلاۋعا مۇددەلى.
تالقىلاۋعا قاتىسۋشىلار سالالىق ماماندار مەن ساراپشىلاردىڭ پىكىرلەرىن ەسكەرە وتىرىپ, ستراتەگيالىق قۇجاتتى ازىرلەۋ تاسىلدەرى بويىنشا ءوز ۇسىنىستارىن ايتتى.
