قوعام • 28 قىركۇيەك، 2021

جاڭا جاردەماقىنىڭ قانشا تەڭگە بولاتىنى ايتىلدى

602 رەت كورسەتىلدى

كەلەسى ايدان مۇگەدەك ادامدار جاڭا جاردەماقى الا باستايدى. بۇل تۋرالى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ ايتتى، دەپ حابارلايدى Egemen.kz.

«2019 جىلى ۇكىمەت قاۋلىسىمەن مۇگەدەك ادامداردىڭ قۇقىقتارىن قامتاماسىز ەتۋ جانە تۇرمىس ساپاسىن جاقسارتۋ جونىندەگى ۇلتتىق جوسپار قابىلداندى. ۇلتتىق جوسپار مۇگەدەكتىگى بار ادامداردى الەۋمەتتىك قورعاۋ سالاسىنداعى ۇيلەستىرۋ كەڭەسىنىڭ، جۇرتشىلىقتىڭ قاتىسۋىمەن ازىرلەندى جانە 7 باعىتتى قامتيدى، 64 ءىس-شارادان تۇرادى، ونى 7 (جەتى) ورتالىق مەملەكەتتىك ورگان ىسكە اسىرادى.

ۇلتتىق جوسپاردى ىسكە اسىرۋ ءۇشىن ەڭبەك مينيسترلىگى مۇگەدەكتىگى بار ادامداردىڭ قۇقىقتارى مەن الەۋمەتتىك قورعالۋىن قامتاماسىز ەتۋ سالاسىنداعى زاڭنامانى جەتىلدىرۋدە»، دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

ونىڭ اتاپ وتۋىنشە، سوڭعى ەكى جىلدا وسى باعىتتا 1 كودەكسكە، 2 زاڭعا، پرەزيدەنتتىڭ 1 جارلىعىنا، ۇكىمەتتىڭ 2 قاۋلىسىنا، ۇلتتىق بانك باسقارماسىنىڭ 1 قاۋلىسىنا، مينيسترلىكتەردىڭ 12 بۇيرىعىنا وزگەرىستەر ەنگىزۋ جانە ازىرلەۋ بويىنشا جۇمىس جۇرگىزىلدى.

«وتكەن بەيسەنبى، 23 قىركۇيەكتە پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قارالىپ، ماقۇلداندى. جاقىن ارادا زاڭ مەملەكەت باسشىسىنا ەنگىزىلەدى، ءىس جۇزىندە جۋىردا ونىڭ قابىلدانۋىن كۇتەمىز. زاڭ جوباسى بويىنشا جۇمىس 2019 جىلى باستالعان بولاتىن»، دەدى ۆيتسە-مينيستر.

ۆيتسە-ءمينيستردىڭ دەرەگىنشە، زاڭدا 19 تۇبەگەيلى تۇزەتۋ قامتىلعان جانە 16 زاڭنامالىق اكتىگە وزگەرتۋلەر ەنگىزۋدى كوزدەيدى.

«زاڭ نورمالارىن جۇزەگە اسىرۋ ءۇشىن وسى جانە كەلەسى جىلعا 55 ملرد تەڭگە ءبولىندى. كەلەسى ايدان باستاپ مۇگەدەك ادامدار جانە مۇگەدەك بالالاردى تاربيەلەپ وتىرعان وتباسىلارى جاڭا جاردەماقى الا باستايدى ءارى جاڭاشىلدىقتى سەزىنەدى»، دەدى ەرلان اۋكەنوۆ.

 

 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار