ايماقتار • 28 قىركۇيەك، 2021

اقساي شاتقالىندا قۇرعاق ءشوپ ورتەندى

28 رەت كورسەتىلدى

الماتى وبلىسىنىڭ توتەنشە جاعدايلار دەپارتامەنتىنە قۇرعاق ءشوپتىڭ ورتەنگەنى تۋرالى حابار تۇسكەن، دەپ حابارلايدى Egemen.kz الماتى وبلىستىق تجد ءباسپاسوز قىزمەتىنە سىلتەمە جاساپ.

وقيعا الماتى وبلىسى، قاراساي اۋدانى، «ىلە-الاتاۋ» معوك اۋماعىنداعى، اقساي شاتقالىنان 8 شاقىرىم جەردەگى «رادۋگا» ساياجايىندا بولعان.

الدىمەن 3 گا ايماقتى الىپ جاتقان اعاشتار ورتەنە باستادى. ءورت شىققان جەرگە دەرەۋ الماتى وبلىسى تجد مەن اقساي ورمان شارۋاشىلىعىنىڭ كۇشتەرى مەن قۇرالدارى جىبەرىلدى.

«28 قىركۇيەك كۇنى ساعات 09:30-داعى جاعداي بويىنشا شاتقالدان ءالى دە ءتۇتىن شىعىپ جاتىر. قازىرگى تاڭدا قر تجم «قازاۆياقۇتقارۋ» اق تىكۇشاعى ءورت جەرىندە سۋ شاشىپ جاتىر. تجد كۇشىمەن جاقىن ماڭداعى اۋداندىق بولىمشەلەردىڭ قىزمەتكەرلەرىنەن، جەرگىلىكتى اتقارۋشى ورگانداردىڭ قىزمەتكەرلەرىنەن قوسىمشا توپتار قۇرىلدى. شتاب الماتى وبلىسى تجد باستىعى اسقات تويچۋبەكوۆتىڭ باسشىلىعىمەن ۇيىمداستىرىلدى. اەروۆيزۋالدى باقىلاۋ ءۇشىن ۇشقىشسىز ۇشاتىن اپپاراتى بار جەدەل توپ-درون جىبەرىلدى»، دەلىنگەن حابارلامادا.

ءورتتى سوندىرۋگە الماتى وبلىسى تجد 7 تەحنيكاسى مەن 25 قىزمەتكەرى، اقساي ورمان شارۋاشىلىعىنىڭ 70 قىزمەتكەرى مەن 15 تەحنيكاسى، قر تجم 28237 ءا/ب 50 اسكەري قىزمەتكەرى مەن 2 تەحنيكاسى، قازاۆياورمانقورعاۋ 10 قىزمەتكەرى مەن قر تجم «قازاۆياقۇتقارۋ» اق تىكۇشاعىنىڭ 1 بورتى جانە 4 ەكيپاج ادامى جۇمىلدىرىلدى. 

سوڭعى جاڭالىقتار

ۇقساس جاڭالىقتار