«قاراشادان باستاپ امەريكا قۇراما شتاتتارىنا شەتەلدىك تۋريستەردى كىرگىزۋدىڭ جاڭا ەرەجەسى ەنگىزىلەدى: دۇنيەجۇزىلىك دەنساۋلىق ساقتاۋ ۇيىمى نەمەسە امەريكا بيلىگى ماقۇلداماعان ۆاكتسينا, ونىڭ ىشىندە رەسەيلىك «سپۋتنيك V» ۆاكتسيناسى دا بار, سالدىرعان شەتەلدىك ازاماتتار ەلگە كىرە المايدى», دەپ جازادى The Washington Post.
ازىق-ت ۇلىك جانە ءدارى-دارمەك باسقارماسى (FDA) وسى ۋاقىتقا دەيىن Pfizer مەن Moderna ۆاكتسينالارىن, سونداي-اق قىتايلىق Sinopharm جانە Sinovac كومپانيالارى جاساعان پرەپاراتتاردى ماقۇلدادى. سوڭعى ەكەۋى قازاقستاندا قولدانىلاتىن ۆاكتسينالار تىزىمىندە بار.
قىركۇيەك ايىنىڭ باسىندا ددسۇ ميسسياسى QazVac وتاندىق ۆاكتسيناسىن تىركەۋگە كومەكتەسۋ ءۇشىن ەلگە كەلەتىنى تۋرالى حابارلاندى. ازىرگە بۇل پرەپارات ماقۇلدانعان جوق.
قازاقستاندىقتاردىڭ كوپشىلىگى «سپۋتنيك V» ۆاكتسيناسىن سالدىردى. ددسۇ رەسەي زاۋىتتارىنداعى وندىرىستىك تاجىريبەگە بايلانىستى ۆاكتسينانى ماقۇلداۋ پروتسەسىن توقتاتتى.
