اگەنتتىك توراعاسىنىڭ ءبىرىنشى ورىنباسارى و. بەكتەنوۆ مينيسترلىك جەتەكشىلىك ەتەتىن سالالارداعى ەلەۋلى سىبايلاس جەمقورلىق تاۋەكەلدەرىنە نازار اۋدارىپ, ولاردى جويۋ ءۇشىن شۇعىل تۇردە جۇيەلى شارا قابىلداۋ قاجەت ەكەنىنە نازار اۋداردى.
«ەكولوگيالىق باقىلاۋ بولىمشەسى قىزمەتكەرلەرىنىڭ جەمقورلىق جاساۋ فاكتىلەرىنىڭ جيىلەپ كەتۋى زور الاڭداۋشىلىق تۋدىرادى. پايداكۇنەم قىزمەتكەرلەر ەكولوگيالىق تالاپتاردى بۇزعانى ءۇشىن زاڭمەن بەلگىلەنگەن قوماقتى ايىپپۇلداردى كاسىپكەرلەرگە قىسىم كورسەتۋگە جانە زاڭسىز سىياقى تالاپ ەتۋگە پايدالانادى», دەپ اتاپ ءوتتى ول.
اگەنتتىكتىڭ پرەۆەنتسيا قىزمەتىنىڭ باسشىسى م.تولەۋباەۆ سوڭعى 3,5 جىلدا مينيسترلىك جەتەكشىلىك ەتەتىن سالالاردا 80-گە جۋىق جەمقورلىق فاكتىسى سوتقا جىبەرىلگەنىن ايتتى. مىسالى, بيىل 30 ملن تەڭگە كولەمىندە پارا العان قىزىلوردا وبلىسى بويىنشا ەكولوگيا دەپارتامەنتى باسشىسىنىڭ مىندەتىن اتقارۋشى ا. سوت ۇكىمىمەن 11 جىلعا باس بوستاندىعىنان ايىرىلعان. ا-عا ۇكىم شىعارىلعان كۇنى تالاپتى قايتارىپ الۋعا ىقپال ەتكەنى ءۇشىن 50 ملن تەڭگە كولەمىندە پارا الۋ كەزىندە باس ەكولوگيالىق ينسپەكتور – وسى وبلىستىڭ ەكولوگيا دەپارتامەنتى باسشىسىنىڭ ورىنباسارى ۇستالعان.
ء«اربىر قىلمىستىق قۇقىق بۇزۋشىلىق بويىنشا ەگجەي-تەگجەيلى تالداۋ جۇرگىزىپ, سىبايلاس جەمقورلىققا ىقپال ەتەتىن ناقتى سەبەپتەر مەن جاعدايلاردى انىقتاۋ قاجەت», دەپ تۇيىندەدى م. تولەۋباەۆ.
ەكولوگيا, گەولوگيا جانە تابيعي رەسۋرستار ءمينيسترى س. برەكەشەۆ ءاربىر سىبايلاس جەمقورلىق فاكتىسى بويىنشا تارتىپتىك شارا قابىلداناتىنىن ايتتى.
