ء«تىرى بولسام, قازاققا قىزمەت قىلماي قويمايمىن», دەپ باسىن بايگەگە تىككەن بابامىز ءدال بۇگىن, 27 قىركۇيەك كۇنى دۇنيەدەن وتكەن.
ەسكەرتكىش اۋىلداعى مادەنيەت ءۇيىنىڭ الدىنا ورناتىلعان. بيىكتىگى تۇعىرىمەن قوسا ەسەپتەگەندە 3 مەتردەن اسادى. قولادان قۇيىلعان, اۆتورى – قازاقستان سۋرەتشىلەر وداعىنىڭ مۇشەسى بەيبىت مۇستافين. رۋحاني تاعىلىمى مول ءىستى جۇزەگە اسىرۋعا اۋىل ازاماتتارى دەمەۋشىلىك كورسەتكەن. سالتاناتتى اشىلۋ راسىمىنەن كەيىن عىلىمي-تاجىريبەلىك كونفەرەنتسيا ءوتىپ, ء«اليحان – الاش اقسوراڭى» كىتابىنىڭ تۇساۋى كەسىلدى.
وندا عالىمداردىڭ, تاريحشىلاردىڭ «الاش» يدەياسى جايلى ەڭبەكتەرى توپتاستىرىلعان. ايتا كەتۋ كەرەك, بيىل تۋعانىنا 155 جىل تولعان ۇلتىمىزدىڭ ۇلى تۇلعاسى ءدال وسى شابانباي بي اۋىلى ماڭىندا دۇنيەگە كەلگەن.
ء«اليحان بوكەيحانوۆ قازاق ۇلتىنىڭ بۇكىل مىڭ جىل بۇرىنعى, كەيىنگى كۇرەس كۇندەرىندەگى وتكەن-كەتكەن تاريحىن تالداپ, تۇجىرىمداپ, ءبىرتۇتاس «الاش» يدەياسىن كىرىكتىرىپ بەرگەن تۇلعا. ءوزىنىڭ تۋعان جەرىندە تۇعىرعا كوتەرىلگەن ەسكەرتكىش سول ۇرپاقتاردىڭ الەكەڭدى تۇسىنە باستاعانىنىڭ, رۋحىنىڭ سىڭە باستاعانىنىڭ كەپىلى», دەيدى فيلولوگيا عىلىمدارىنىڭ دوكتورى, الاشتانۋشى تۇرسىن جۇرتباي.
