ايماقتار • 26 قىركۇيەك، 2021

وبلىس ورتالىعىنىڭ دەنى اۋىز سۋسىز وتىر

124 رەت كورسەتىلدى

كوكشەتاۋ قالاسىنىڭ بىرنەشە شاعىن اۋدانى اۋىز سۋسىز وتىر. قالا باسشىلارىنىڭ ءۋاجى – سەرگەەۆكا سۋ قويماسىنان تارتىلعان سۋ قۇبىرى جوندەلۋدە. جەرگىلىكتى بيلىكتىڭ اقتالا ايتقان مالىمەتىنە قاراعاندا، قىركۇيەك ايىنىڭ سوڭىنا دەيىن سۋ بەرىلمەيتىن سىڭايلى.

قالا اۋىز سۋمەن شاعالالى جانە سەرگەەۆكا سۋ قويمالارى ار­قىلى قامتاماسىز ەتىلەدى. شا­عالالى سۋ قويماسىنان تاۋ­لىگىنە 15 مىڭ تەكشە مەتر، سەر­گەەۆ­كا سۋ قويماسىنان 20 مىڭ تەكشە مەتر سۋ الىنادى.

– قازىر سەرگەەۆكادان تار­تىلعان سۋ قۇبىرىنا اپاتتىڭ الدىن الۋ باعىتىنداعى جوندەۋ جۇمىستارى جۇرگىزىلىپ جاتىر، – دەيدى قالا اكىمىنىڭ ورىنباسارى باۋىرجان ەرنازاروۆ. – سول سەبەپتى جايلاۋ جانە سارىارقا شاعىن اۋداندارىنا سۋ بەرۋ ۋاقىتشا توقتاتىلدى.

اكىم ورىنباسارىنىڭ ايتۋىنا قاراعاندا، جۇمىس اۋقى­مىن تياناقتى اياقتاپ شىعۋ ءۇشىن كەمىندە جارتى اي كەرەك ەكەن. قالا تۇرعىندارىن اۋىز سۋمەن قامتاماسىز ەتۋ ءۇشىن «كوكشەتاۋ سۋ ارناسى» كوممۋنالدىق كاسىپورنى 48 مىڭ تەكشە مەتر مولشەرىندە سۋ قورىن جاساعان. بۇل سۋ قالا تۇر­عىندارىنىڭ ءبىراز ۋاقىت كادەسىنە جاراماق. شاعالالى سۋ قوي­ماسىنان الىناتىن سۋ كو­لەمى 46 مىڭ تەكشە مەترگە دەيىن ۇلعايتىلعان. ايتسە دە، تۇرعىن ۇيلەردە سۋ­دىڭ جەتىس­پەۋشىلىگى بايقالىپ وتىر. قا- ل­ا­نى­ڭ سولتۇستىگىندەگى جانە شى­عىسىنداعى ونەركاسىپ اۋماق­تارىندا ورنالاسقان بىر­قاتار كاسىپورىندى سۋدان شەكتەۋ تۋرالى شەشىم قابىلدانىپتى.

سەرگەەۆكا سۋ قويماسى – وبلىس ورتالىعىنان 200 شاقىرىم قاشىقتىقتا. مۇنشاما ۇلكەن سۋ قۇبىرىنىڭ ءار بولىگىندە جوندەۋ جۇمىستارىن جۇرگىزۋ ۇزاق ۋاقىت الماق. اكىمدىك تۇر­عىندار ماسەلەنىڭ ءمانىسىن جەتە ءتۇسىنىپ، شىدامدىلىق تانىتسا ەكەن دەيدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار