ونىڭ ايتۋىنشا, الەمدە يادرولىق قارۋدىڭ شامامەن 14 مىڭ بىرلىگى ساقتالعان. اپاتتىڭ الدىن الۋ ءۇشىن ول وسى ماسەلەنى شەشۋدە سىندارلى شارالارعا كوشۋگە شاقىردى.
«يادرولىق قاقتىعىس قاۋىپىن ءبىرجولا جويىپ, ءبىزدىڭ الەمدى يادرولىق قارۋدان قۇتقارىپ, سەنىم مەن بەيبىتشىلىكتىڭ جاڭا ءداۋىرىن جاريالايتىن ۋاقىت كەلدى», دەپ جازدى گۋتەررەش ءوزىنىڭ Twitter-دەگى پاراقشاسىندا.
بۇگىن, 26 قىركۇيەكتە الەم بويىنشا يادرولىق قارۋدى تولىق جويۋ ءۇشىن حالىقارالىق كۇرەس كۇنى اتاپ وتىلەدى. ونى 2013 جىلعى 5 جەلتوقساندا بۇۇ باس اسسامبلەياسى ادامزات ءۇشىن وسىنداي قارۋ-جاراقتىڭ پايدا بولۋ قاۋپى تۋرالى, سونداي-اق ودان تولىقتاي قۇتىلۋ قاجەتتىلىگى تۋرالى حالىقتى اقپاراتتاندىرۋ جانە اعارتۋ دەڭگەيىن ارتتىرۋ ماقساتىندا قۇردى.
