قازاقستان • 25 قىركۇيەك، 2021

كارانتين تالاپتارىن بۇزىپ، ەلگە ءونىم اكەلگەندەر ايىپپۇل تولەيدى

30 رەت كورسەتىلدى

قر اۋىل شارۋاشىلىعى مينيسترلىگى ەل اۋماعىنا باسقا ەلدەردەن كارانتينگە جاتقىزىلعان ءونىم اكەلۋدىڭ 76 فاكتىسى انىقتالعانىن حابارلادى، دەپ جازادى Egemen.kz.

«2021 جىلدىڭ 17-24 قىركۇيەگى ارالىعىندا وسىمدىكتەر كارانتينى جونىندەگى مەملەكەتتىك ينسپەكتورلار كارانتينگە جاتقىزىلعان ءونىمدى باسقا ەلدەردەن قازاقستان رەسپۋبليكاسىنىڭ اۋماعىنا اكەلۋ كەزىندە 76 زاڭ بۇزۋشىلىقتى انىقتادى. رەسەي فەدەراتسياسىنان 595،4 توننا بيداي، ارپا، كارتوپ، قىزاناق، قيار، قىرىققابات، بۇرىش، الما، بانان، جاڭعاقتار، كەپتىرىلگەن جەمىستەر، 82،5 تەكشەمەتر اعاش، قىرعىزستان رەسپۋبليكاسىنان 43،1 توننا كارتوپ، بۇرىش، تاڭقۋراي، قۇلپىناي جانە قاراقات، وزبەكستان رەسپۋبليكاسىنان 17،4 توننا الما، قارا ورىك، قىزىلشا، ءجۇزىم، جوڭىشقا تۇقىمدارى مەن گۇل كوشەتتەرى، اۋعانستاننان جەتكىزىلگەن 20 توننا كەپتىرىلگەن ورىك كارانتيندىك باقىلاۋ جۇرگىزۋ كەزىندە فيتوسانيتاريالىق تالاپتارعا ساي كەلمەيتىندىگىن انىقتالدى»، دەلىنگەن ۆەدومستۆو حابارلاماسىندا.

وسىمدىكتەر كارانتينى سالاسىنداعى زاڭنامانى بۇزعان تۇلعالار قر اقبتك-ءنىڭ 400-بابىمەن اكىمشىلىك جاۋاپكەرشىلىككە تارتىلىپ، ولارعا جالپى سوماسى 4،2 ملن تەڭگە ايىپپۇل سالىندى.

نەگىزگى زاڭ بۇزۋشىلىقتار فيتوسانيتاريالىق سەرتيفيكاتتىڭ بولماۋى، تاۋاردىڭ تاڭبالانباۋى مەن كارانتينگە جاتقىزىلعان ءونىمدى قايتادان تەكسەرتپەۋگە قاتىستى.

جىل باسىنان بەرى قر اۋىل شارۋاشىلىعى مينيسترلىگى اگروونەركاسىپ كەشەنىندەگى مەملەكەتتىك ينسپەكتسيا كوميتەتىنىڭ وسىمدىكتەر كارانتينى جونىندەگى ينسپەكتورلارى 4 مىڭعا جۋىق زاڭ بۇزۋشىلىقتى انىقتاپ، 308 ملن تەڭگەدەن استام اكىمشىلىك ايىپپۇل سالدى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار