بارىمىزدى باعالاي ءبىلۋىمىز كەرەك

ەلباسىنىڭ بيىلعى جولداۋ­ىن­داعى باسىم باعىتتاردىڭ ءبىرى شاعىن جانە ورتا بيزنەستى دامىتۋ بولعانى انىق. مەملەكەت باسشىسى جولداۋدا شاعىن جانە ورتا بيز­نەس كولەمىن 2050 جىلعا قاراي ەلى­مىزدىڭ ىشكى جالپى ءونىمىنىڭ 50 پايىزىن قامتاماسىز ەتەتىن دەڭ­گەيگە جەتكىزۋ قاجەت ەكەندىگىن اتاپ ءوتتى. بارىمىزگە بەلگىلى, قارجى پولي­تسياسى ورگاندارى ەڭ الدىمەن مەملەكەتتىڭ ەكونوميكالىق قاۋىپ­سىزدىگىن, كاسىپكەرلەردىڭ زاڭدى قۇقىقتارى مەن مۇددەلەرىن قامتاماسىز ەتەدى. ەڭ باستىسى, ەكونوميكالىق قارجىلىق جانە سىبايلاس جەمقورلىق قىلمىستاردىڭ الدىن الۋ, جولىن كەسۋ بولىپ تابىلادى. پرەزيدەنت ن.نازارباەۆ بيىل­عى جولداۋىندا «اسا ماڭىز­دى مىندەت – سىبايلاس جەمقور­لىق­قا قارسى جاڭا ستراتەگيانى قالىپ­تاستىرۋ جانە ىسكە اسىرۋدى جالعاستىرۋ» دەپ, وسى سالا جۇمى­سىنىڭ جاۋاپكەرشىلىگىن ارتتىرۋدى تاعى ءبىر اتاپ ءوتتى. وبلىسىمىزدىڭ شاعىن جانە ورتا بيزنەستى دامىتۋداعى تابىس­تارى جىلدان-جىلعا ارتىپ كەلە جاتىر. بيىلعى جىلى وبلىس نارىعىندا بەلسەندى جۇمىس ىستەيتىن شاعىن بيزنەس سۋبەكتىلەرىنىڭ سانى 125,8 مىڭ بىرلىكتى, (112,5 پايىز ءوسىم) قۇرادى. ال ولاردىڭ وندىرگەن ءونىمى 534,1 ملرد. تەڭگەنى قۇراپ, جۇمىسپەن قامتىلعاندار سانى 279,6 مىڭ ادامعا (9 پايىزعا ءوسىپ) جەتىپ وتىر. دەمەك ەلباسى تاپسىرماسىن ورىنداۋدا ءبىزدىڭ مۇمكىندىكتەرىمىز مول, ەندىگى جەردە وسى مۇمكىندىكتەردى ىسكە اسىرۋ مىندەتى تۇر. بۇگىنگى باستى مىندەتتەردىڭ ءبىرى – كاسىپكەرلىكتىڭ قاۋىپسىزدىگىن قامتاماسىز ەتۋ. قازىر بيزنەستىڭ جۇمىسىنا قارجى پوليتسياسىنىڭ ءجون-جوسىقسىز ارالاسۋى توقتاتىلعان. ايتسە دە, ءبىز قىزمەتىمىزدى ءوز شەڭبەرىمىزدە عانا شەكتەپ قويعان جوقپىز. باسقا دا قۇقىق قورعاۋ ورگاندارىمەن بىرلەسىپ جۇمىس ىستەپ, ەڭ باستىسى حالىقتىڭ كومەگىنە سۇيەنۋدەمىز. وڭتۇستىك قازاقستان جەرى ەجەلدەن ماڭگىلىك ەل يدەياسىنان تۋىنداپ وتىرعان ۇلتتىق بىرلىكتى سانادا ساقتاعان, تاتۋلىقتىڭ ورداسى بولعان ءوڭىر. قازاق حالقىنىڭ ءبىر­لىگىنىڭ سيمۆولى بولعان ور­دا­باسى دا ءبىزدىڭ وڭىردە. كۇللى تۇركىنىڭ رۋحاني ۇستازى قوجا اح­مەت ءياساۋيدىڭ ءبىزدىڭ وڭىردە ءماڭ­گىلىك بايىز تابۋى, تۇركىستان شاھارى باۋىرلاس حالىقتاردىڭ دا كيەلى مەكەنى سانالاتىندىعى دا ءبىز ءۇشىن ماقتانىش. بۇل پرە­زي­دەنت ۇسىنعان «ماڭگىلىك ەل» يدەيا­سىمەن تولىق ۇندەسەتىن جايت. سون­دىق­تان ءبىز بارىمىزدى باعا­لاپ, وتانداستارىمىزدىڭ بەرەكە-ءبىر­لىگىنىڭ تەمىرقازىعى بولاتىن يدەيا­نى ودان ارمەن دامىتۋعا مىندەت­تىمىز. سەرىكباي قۇسايىنوۆ, وڭتۇستىك قازاقستان وبلىسى بويىنشا قارجى پوليتسياسى دەپارتامەنتى باسشىسىنىڭ ءبىرىنشى ورىنباسارى. وڭتۇستىك قازاقستان وبلىسى.