«بيىل 11 ادام سۋعا كەتتى. تىركەلگەن 11 فاكتىنىڭ تورتەۋى تىيىم سالىنعان جەرلەردە ورىن السا, التاۋى سۋعا شومىلۋ ءۇشىن جابدىقتالماعان ايماقتا بولعان. تاعى ءبىر سۋعا كەتۋ فاكتىسى شومىلۋعا رۇقسات ەتىلگەن «سامال» دەمالىس بازاسىنىڭ ايماعىندا ورىن العان. سونىمەن قوسا سۋعا كەتكەن 1 بالا جانە 19 ەرەسەك قۇتقارىلدى», دەدى بەكبولات ابديكادىروۆ.
دەپارتامەنت مالىمەتىنشە, وتكەن جىلى 9 ادام سۋعا كەتكەن. وقىس وقيعالاردىڭ باسىم كوپشىلىگىنە ازاماتتاردىڭ سۋداعى قاۋىپسىزدىك شارالارىن ساقتاماي, تىيىم سالىنعان جەرلەردە شومىلۋى سەبەپ بولىپ وتىر.
