سپورت • 24 قىركۇيەك، 2021

بەيجىڭ-2022 ۇيىمداستىرۋ كوميتەتى ويىنداردىڭ رەسمي پلاكاتتارىن ۇسىندى

36 رەت كورسەتىلدى

بەيجىڭ-2022 ۇيىمداستىرۋ كوميتەتى قىسقى وليمپيادا ويىنداردىڭ رەسمي پلاكاتتارىن ۇسىندى، دەپ حابارلايدى Egemen.kz قر ۇلتتىق وليمپيادا كوميتەتىنە سىلتەمە جاساپ.

ولار بەيجىڭدەگى تۋنچجوۋ ايماعىندا جىل سايىنعى ديزاين اپتالىعىنىڭ اشىلۋىندا ۇسىنىلدى. ءار پلاكات پەكيننىڭ 2022 جىلعى «ورتاق بولاشاق ءۇشىن بىرگە» ۇرانىن اتاپ كورسەتىپ، قىسقى سپورت تۇرلەرىن ءداستۇرلى قىتاي مادەني فەستيۆالدەرىمەن ۇيلەستىرەدى.

«قىتاي مادەنيەتى مەن وليمپيادالىق رۋحتى بىرىكتىرە وتىرىپ جاسالعان 11 جارنامالىق پلاكات جاس ۇرپاقتاردىڭ كۇش-جىگەرى مەن ولاردىڭ قىسقى سپورت تۇرلەرىنە دەگەن ىنتاسىن كورسەتەدى»، دەيدى بەيجىڭ-2022 ۇيىمداستىرۋشىلارى.

ۇيىمداستىرۋشىلاردىڭ ايتۋىنشا، بۇكىل ەل بويىنشا بايقاۋعا 1500 ادام قاتىستى.

«پلاكاتتار قىسقى سپورت تۇرلەرىمەن، مادەني ەلەمەنتتەرىمەن، زاماناۋي ديزايننىڭ كەرەمەت ۇيلەسىمىمەن ەرەكشەلەنەدى»، دەدى بەيجىڭ-2022 مادەنيەتى مەن راسىمدەرىنىڭ باس ديرەكتورى چەن نين China News Daily باسىلىمىنا.

گۋانچجوۋ بەينەلەۋ ونەرى اكادەمياسىنىڭ ۆان تسيانگە مەن ليۋ يۋن «قۇمارلىق وتتى شابىتتاندىرادى» دەپ اتالاتىن جۇمىس جاسادى، وندا وليمپيادا ويىندارىنىڭ تۇمارى الىپ پاندا بينگ دۆەن دۆەن الەمنىڭ تۇكپىر-تۇكپىرىنەن كەلگەن دوستارعا قابىلداۋشى ەلدىڭ جىلى لەبىزىن ۇسىنۋ ءۇشىن اشىق جۇرەك ۇلگىسىن كورسەتەدى.

ول ءوزىنىڭ پاراليمپيادالىق ارىپتەسى شۋي رون رونمەن بىرگە قىزىل ءتۇستى پلاكاتتاردا بەينەلەنگەن. 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار