«قۇرىلىستىڭ قۇنىن ارزانداۋ تۋرالى ايتساق, 2014-2015 جىلدارى ءۇشىنشى-ءتورتىنشى كلاستى تۇرعىن ءۇيدىڭ شارشى مەترى 1,5-2 مىڭ دوللارعا ساتىلسا, قازىر ولار 750 دوللارعا ءوتىپ جاتىر. ءبىر سوزبەن ايتقاندا قۇرلىسكومپانيالارى سالعان ءۇيىنىڭ وزىندىك قۇنىن عانا اقتاپ جاتىر. باسپانا تاپشىلىعىنىڭ قالىپتاسۋىنا قۇرىلىس كومپانيالارى كىنالى ەمەس. بۇگىندە قۇرىلىستىڭ ءوزى 35%-40% قىمباتتادى. ماتەريالدار 60%-دان 90%-عا دەيىن شارىقتاپ كەتتى», دەدى تالعات ەرعاليەۆ باق وكىلدەرىنە.
ونىڭ ايتۋىنشا, قازىرگى تاڭدا قۇرىلىس قۇنى 15%-عا كوتەرىلگەن.
«قيسىنعا سالىپ قاراساڭىز, قۇرىلىستىڭ ءوزى 35%-40% قىمباتتاسا, شارشى مەتردىڭ قۇنى بار بولعانى 15%-عا قىمباتتاعاننىڭ وزىندە باعانىڭ ءوسىپ كەتكەنىن كورەمىز. كوممەرتسيالىق تۇرعىن ءۇي سالۋشىلار باعانى ءبىر تۇندە كوتەرىپ جاتقان جوق. ولار باعانى بىرتىندەپ, باياۋ كوتەرەدى. 2022 جىلدىڭ كوكتەمىندە باسپانا باعاسى 20%-30% وسەدى دەپ توپشىلاپ وتىرمىز. ءبىز مۇنى ناقتى بيىلعى تالداۋعا عانا سۇيەنىپ ايتىپ تۇرعان جوقپىز. بۇل قۇرىلىستىڭ بارلىق كەزەڭىن تالداۋ ارقىلى الىنعان بولجام», دەدى تالعات ەرعاليەۆ.
