ەكونوميكا • 24 قىركۇيەك، 2021

ەگىن جيناۋ ناۋقانى اياقتالۋعا جاقىن – اشم

69 رەت كورسەتىلدى

قازاقستاند 15،4 ملن گەكتار (96،8%) جەردەگى ءداندى جانە ءداندى-بۇرشاقتى داقىل ورىلدى، دەپ جازادى Egemen.kz.

«ورتاشا ونىمدىلىك گەكتارىنا 9،6 تسەنتنەردەن اينالىپ، 14،8 ملن توننا استىق جينالدى. ونىڭ 11،6 ملن تونناسى بيداي. سونداي-اق 616،7 مىڭ توننا مايلى داقىل، 2،9 ملن توننا كارتوپ، 4،1 ملن توننا كوكونىس، 2،6 ملن توننا باقشا داقىلدارى جينالدى»، دەپ حابارلايدى قر اۋىل شارۋاشىلىعى مينيسترلىگى.

استىق ەگەتىن نەگىزگى ايماقتار – اقمولا، قوستاناي جانە سولتۇستىك قازاقستان وبلىستارىندا 11،5 ملن گەكتار ەگىس القابى ورىلدى. بۇل جينالۋى ءتيىس جالى الاڭنىڭ 98،9%-ى. ورتاشا ونىمدىلىك گەكتارىنا 8،8 تسەنتنەردەن اينالىپ، 10،0 ملن توننا استىق جينالدى.

ناقتىلانعان دەرەك بويىنشا، رەسپۋبليكادا سىيىمدىلىعى 29،3 ملن توننا استىق ساقتايتىن مۇمكىندىك بار.  ونىڭ ىشىندە استىق قابىلداۋ كاسىپورىندارىندا -12،4 ملن توننا، فەرمەرلەردە 16،9 ملن توننا استىق ساقتايتىن ورىن بار.

«2021 جىلعى ەگىن جيناۋ ناۋقانى اياقتالۋعا جاقىن جانە قارقىنى بىلتىرعىدان جوعارى. جيىن-تەرىم جۇمىستارىنا قاتىستى بارلىق ماسەلە مينيسترلىكتىڭ باقىلاۋىندا»، دەپ جازىلعان حابارلامادا.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار