الەم • 24 قىركۇيەك، 2021

كاتالونيانىڭ بۇرىنعى باسشىسى يتاليادان ۇستالدى

14 رەت كورسەتىلدى

كاتالونيانىڭ بۇرىنعى باسشىسى كارلەس پۋچدەمون يتاليانىڭ ساردينيا ارالىندا قاماۋعا الىندى. ول ءتورت جىل بويى قاشىپ جۇرگەن، دەپ حابارلايدى Egemen.kz.

ونىڭ ادۆوكاتى گونسالو بويە ساياساتكەر ۇستالعانىن Twitter-پاراقشاسىندا راستادى.

«پرەزيدەنت پۋچدەمون ەۋروپالىق پارلامەنت دەپۋتاتى رەتىندە ساردينياعا كەلگەن كەزىندە تۇتقىندالدى».

سونىمەن قاتار، بويە قاماۋعا الۋ تۋرالى بۇيرىق 2019 جىلدىڭ 14 قازانىندا شىققانىن ايتتى.

«ەرتەڭ (24 قىركۇيەك) ول ساسساري اپەللياتسيالىق سوتى سۋديالارى الدىنا شىعادى، ولار ونى بوساتۋ نەمەسە ەكستراديتسيالاۋ تۋرالى شەشىم قابىلدايدى»، دەدى شتاب باسشىسى حوسەپ للۋيس الاي.

بۇرىنعى مەملەكەت باسشىسى تۇتقىندالعاننان كەيىن يسپانيا ۇكىمەتى «يتاليا بيلىگى مەن سوت شەشىمدەرىن قۇرمەتتەيتىنىن» ءبىلدىردى.

«پۋچدەموننىڭ تۇتقىندالۋى سوت الدىندا جاۋاپ بەرۋى ءتيىس ەو-نىڭ كەز كەلگەن ازاماتىنا قاتىستى سوت تارتىبىنە سايكەس كەلەدى»، دەلىنگەن يسپانيا ۇكىمەتى حابارلاماسىندا.

مالىمدەمەدە پۋچدەمون «كەز كەلگەن ازامات سياقتى ادىلەتتىلىككە باعىنۋى ءتيىس» دەلىنگەن.

 

 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار