«ەسىرتكى قىلمىسى مەن ناشاقورلىق ماسەلەسى بۇگىندە وتە وزەكتى. وكىنىشكە وراي, جاڭا سينتەتيكالىق ەسىرتكىنىڭ نەگىزگى تۇتىنۋشىلارى جاستار بولىپ تابىلادى. تەك وسى جىلدىڭ وزىندە ەلىمىزدە 8,5% وسىممەن 5 مىڭ ەسىرتكى قىلمىسى انىقتالدى. بىزگە وسى قۇبىلىسپەن كۇرەسۋ ءۇشىن جۇيەلى شارالار قاجەت», دەپ اتاپ ءوتتى ە.توعجانوۆ.
قۇقىق قورعاۋ جانە سالالىق مەملەكەتتىك ورگاندارعا:
- تەلەكوممۋنيكاتسيالار جەلىسىندە, ونىڭ ىشىندە ينتەرنەت-بوتتاردى جانە باسقا دا اۆتوماتتى باعدارلامالاردى پايدالانا وتىرىپ جاسالاتىن ەسىرتكى قىلمىستارىنىڭ جولىن كەسۋ تاپسىرىلدى;
- ءتيىمدى مەملەكەتتىك جانە الەۋمەتتىك باقىلاۋدى بەلگىلەي وتىرىپ, ناشاقورلىقتىڭ باستاپقى پروفيلاكتيكاسىنىڭ تەڭگەرىمدى جۇيەسىن قۇرۋ;
- ەسىرتكىگە تاۋەلدى ادامداردى ەمدەۋ ادىستەرىن جەتىلدىرۋ, اۋماقتىق سوت ساراپتاماسى ورگاندارىنىڭ مەملەكەتتىك ەسىرتكى ديسپانسەرلەرىن ماتەريالدىق-تەحنيكالىق جاراقتاندىرۋدى جاقسارتۋ;
- قۇرامىندا ەسىرتكى بار وسىمدىكتەردىڭ ءوسۋ وشاقتارىن انىقتاۋ تۇرعىسىنان قاشىقتىقتان زوندتاۋ جۇيەلەرىن پايدالانۋدى كەڭەيتۋ;
- ەسىرتكى قۇرالدارىن شەتەلدەن اكەلۋگە جول بەرمەۋ جونىندە شارالار قابىلداۋ.
كەڭەس قورىتىندىسى بويىنشا پرەمەر-ءمينيستردىڭ ورىنباسارى ەلدەگى ەسىرتكى قىلمىسى مەن ناشاقورلىققا قارسى جۇيەلى شارالار ازىرلەۋ ءۇشىن ۆەدومستۆوارالىق جۇمىس توبىن قۇرۋدى تاپسىردى.
