«الەم بويىنشا ازىق-ت ۇلىكتى جەتكىزۋدىڭ بەلسەندى قاتىسۋشىسى سانالاتىن قازاقستان اگرارلىق سەكتوردى ەكولوگيالاندىرۋدى جانە ورنىقتى دامىتۋدى قولدايدى. ەلىمىز بيداي مەن ۇن ءوندىرۋشى ءىرى ەلدەردىڭ وندىعىنا كىرەدى جانە جىلىنا 7 ميلليون تونناعا دەيىن بيداي ەكسپورتتايدى. ءبىز نەگىزگى تەجەۋشى فاكتورلارعا قاراماستان, مايلى داقىلدار ەكسپورتىن 1 ميلليون توننادان اسىردىق. دەگەنمەن, ازىق-ت ۇلىك جۇيەسى ەكونوميكالىق, الەۋمەتتىك جانە ەكولوگيالىق تۇرعىدان ورنىقتى بولۋعا ءتيىس», دەدى قازاقستان پرەزيدەنتى.
مەملەكەت باسشىسى قازاقستاننىڭ ەگىن شارۋاشىلىعى قاۋىپ-قاتەرى بار ايماقتا ورنالاسقانىن جانە قۇرعاق كليماتتىڭ اسەرىمەن بەتپە-بەت كەلىپ وتىرعانىن ايتتى. ەلىمىزدىڭ سۋ شارۋاشىلىعى 40 پايىز كورشى ەلدەردەن اعىپ كەلەتىن سۋعا تاۋەلدى.
«جەر-سۋ رەسۋرستارىن بارىنشا ءتيىمدى پايدالانۋ ماقساتىندا جەردىڭ قۇنارىن ارتتىرۋ, سۋ ۇنەمدەۋ تەحنولوگيالارىن ەنگىزۋ جانە سۋ وتكىزۋ جۇيەلەرىن تسيفرلاندىرۋ جونىندە شارالار قابىلدادىق. ورنىقتى ازىق-ت ۇلىك جۇيەلەرى تۋرالى ايتقان كەزدە كوپتەگەن ەلدە سۋ ديپلوماتياسىنا قاتىستى ماسەلەلەر وزەكتى ەكەنى انىق بايقالادى. ازىق-ت ۇلىك جۇيەلەرى جونىندەگى پروبلەمالار مەن سۋ رەسۋرستارىن باسقارۋ, شەكاراارالىق وزەندەردى پايدالانۋ ماسەلەلەرى ءوزارا تىعىز بايلانىستى. مۇنىڭ بارلىعى ازىق-ت ۇلىك جۇيەلەرى تۋرالى كەلىسىمدەردە كورىنىس تابۋى كەرەك», دەدى قاسىم-جومارت توقاەۆ.
مەملەكەت باسشىسى قازاقستان ازىق-ت ۇلىك قاۋىپسىزدىگى جونىندەگى يسلام ۇيىمىن قۇرۋعا باستاماشى بولعانىن ايتىپ ءوتتى. قازىرگى تاڭدا ونىڭ قۇرامىندا حالقىنىڭ جالپى سانى 1,4 ميللياردقا جۋىق 36 ەل بار.
وسى ۇيىم اياسىندا قازاقستان جىل سايىن مۇقتاج ەلدەرگە, ونىڭ ىشىندە اۋعان حالقىنا بيداي مەن ۇن جەتكىزۋ سياقتى قايتارىمسىز گۋمانيتارلىق كومەك كورسەتىپ كەلەدى.
قاسىم-جومارت توقاەۆ مەملەكەتتەر اراسىنداعى اگروتەحنيكالىق, عىلىمي جانە يننوۆاتسيالىق بايلانىستاردى نىعايتۋ, سونىمەن قاتار قارجى, ينۆەستيتسيا, كولىك جانە لوگيستيكا سالالارىن دا ىلگەرىلەتۋ كەرەك ەكەنىن اتاپ ءوتتى.
«بۇۇ-نىڭ ازىق-ت ۇلىك جانە اۋىل شارۋاشىلىعى ۇيىمى جاھاندىق ازىق-ت ۇلىك قاۋىپسىزدىگىن قامتاماسىز ەتۋ جانە ونى قولداۋ ماقساتىندا تۇراقتى ەكوجۇيە قالىپتاستىرۋ ءۇشىن بارىنشا بەلسەندى جۇمىس ىستەۋى قاجەت. سامميت اشتىقتى جويۋ, ازىق-ت ۇلىك قاۋىپسىزدىگىن قامتاماسىز ەتۋ جانە ونى جاقسارتۋ, تۇراقتى اۋىل شارۋاشىلىعىنىڭ دامۋىنا ىقپال ەتۋ سياقتى ورنىقتى دامۋدىڭ ەكىنشى نەگىزگى ماقساتىنا قول جەتكىزۋگە مۇمكىندىك بەرەتىنىنە سەنىمدىمىن», دەدى قازاقستان پرەزيدەنتى.
