«مەملەكەت باسشىسى «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا جوعارى ساپالى ەكونوميكالىق ءوسۋدى قامتاماسىز ەتۋ جانە حالىقتىڭ ءومىر ءسۇرۋ دەڭگەيىن جاقسارتۋ بويىنشا ناقتى مىندەتتەردى العا قويدى.
«پرەزيدەنتتىڭ ينفلياتسيانى بەلگىلەنگەن دالىزدەرگە قايتارۋ تاپسىرماسىن ىسكە اسىرۋ ماقساتىندا ۇكىمەت 2021-2024 جىلدارعا ارنالعان ينفلياتسياعا قارسى ارەكەت ەتۋ ءىس-شارالارى كەشەنىن قابىلدادى», دەدى ول.
ونىڭ اتاپ وتۋىنشە, اتالعان جوسپار اياسىندا باعالاردىڭ ءوسۋىن تەجەۋگە جانە الەۋمەتتىك ماڭىزى بار ازىق-ت ۇلىك تاۋارلارىنىڭ قولجەتىمدىلىگىن ۇلعايتۋعا باعىتتالعان جەدەل جانە جۇيەلى سيپاتتاعى 64 ءىس-شارانىڭ ىسكە اسىرىلۋى كوزدەلگەن.
«2022 جىلى كاسىپكەرلىكتى دامىتۋ ءۇشىن «قاراپايىم زاتتار ەكونوميكاسى» جانە «بيزنەستىڭ جول كارتاسى» باعدارلامالارىن ىسكە اسىرۋ جالعاسادى. جالپى, قارجىلاندىرۋ كولەمى 1 ترلن تەڭگەنى قۇرايدى. ميكرو جانە شاعىن بيزنەسكە جۇكتەمەنى ازايتۋ ماقساتىندا ەڭبەكاقى تولەۋ قورىنان بىرىڭعاي تولەم ەنگىزىلەتىن بولادى. بۇل وسى تولەمدەردى ەسەپتەۋ مەن تولەۋ ءتارتىبىن وڭايلاتۋعا, سونداي-اق ەڭبەكاقى تولەۋ قورىنا تۇسەتىن جالپى جۇكتەمەنى 2023 جىلدان باستاپ 34-تەن 25 پايىزعا دەيىن تومەندەتۋگە مۇمكىندىك بەرەدى», دەدى ءاليحان سمايىلوۆ.
