ايماقتار • 23 قىركۇيەك، 2021

قازاقستان ماشينا جاساۋشىلارىنىڭ فورۋمىندا شىمكەنتتىك تاۋارلار ۇسىنىلدى

26 رەت كورسەتىلدى

مەملەكەت باسشىسى «ماشينا جاساۋ قازاقستان ەكونوميكاسىنىڭ، جۇمىسپەن قامتۋ مەن ەكسپورتتىڭ لوكوموتيۆىنە اينالۋى كەرەك» دەگەن بولاتىن. وسى ماقساتتا ەلورداداعى ەحرو حالىقارالىق كورمە كەشەنىندە قازاقستان ماشينا جاساۋشىلارىنىڭ ءىح فورۋمى ءوتىپ جاتىر، دەپ حابارلايدى Egemen.kz شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

اتالمىش فورۋمعا شىمكەنتتىڭ ارنايى تاقتايشاسى قويىلىپ، جەرگىلىكتى تاۋار وندىرۋشىلەر، سونىمەن بىرگە «يندۋستريالدى ايماقتار» باسقارۋشى ورگانىنىڭ ديرەكتورى قاتىسۋدا. 

فورۋمنىڭ ەكىنشى كۇنىندە قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ شىمكەنتتىك تاۋار وندىرۋشىلەردىڭ جۇمىسىمەن تانىستى. كەلۋشىلەرگە تراۆەرتين، پليتالار شىعاراتىن «BESKUDUK TAS»، ويىنشىق-ماشينالار جاسايتىن «بايتەميروۆا ر.»، پلاستماسس زاتتار شىعاراتىن «يۋگرەگيونپلاست»، جوعارى سىنىپتى ءوندىرىس مايلاۋ ماتەريالدارىن وندىرەتىن «HILL Corp»، دوڭگەلەكتەر مەن باقشا اربالارىن شىعاراتىن «TABA INDUSTRIAL»، جارىقديودتى شامدار شىعاراتىن «كازتەحنيكاس» سەكىلدى شىمكەنتتىك مەكەمەلەردىڭ ونىمدەرى ۇسىنىلدى. 

فورۋم بارىسىندا ماشينا جاساۋدى دامىتۋدىڭ 2019-2024 جىلدارعا ارنالعان جول كارتاسىن ىسكە اسىرۋ بارىسى تۋرالى پىكىرتالاستار، ماشينا جاساۋ سالاسى ءۇشىن كادرلار دايارلاۋ، ماشينا جاساۋدىڭ باسىم كىشى سالالارى بويىنشا سەكتسيالىق وتىرىستار، حالىقارالىق مۇناي-گاز وپەراتورلارىمەن، قاتتى پايدالى قازبالاردى جەر قويناۋىن پايدالانۋشىلارمەن ساتىپ الۋ جانە جەرگىلىكتى قامتۋدى دامىتۋ تاقىرىبىندا دوڭگەلەك ۇستەلدەر وتكىزىلىپ جاتىر.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار