رۋسلان ەڭسەباەۆ پارا العانى ءۇشىن كىنالى دەپ تانىلدى.
«رۋسلان ساتبەك ۇلى ەڭسەباەۆ قىلمىستىق كودەكستىڭ 366-بابى 2-بولىگىندە كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلدى جانە وسى باپ بويىنشا ءتورت جىل مەرزىمگە باس بوستاندىعىنان ايىرۋ جازاسى تاعايىندالدى. ول جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا تۇزەۋ مەكەمەسىندە وتەيدى, سونداي-اق مەملەكەتتىك قىزمەتتە لاۋازىم اتقارۋ قۇقىعىنان ايىرىلادى.
ۇكىم زاڭدى كۇشىنە ەنگەنگە دەيىن كەپىل تۇرىندە تاڭدالعان بۇلتارتپاۋ شاراسى كۇزەتپەن ۇستاۋ تۇرىندەگى بۇلتارتپاۋ شاراسىنا وزگەرتىلسىن. بىردەن قاماۋعا الىنسىن. كەپىل كەپىلگەرگە قايتارىلسىن. باس بوستاندىعىنان ايىرۋ تۇرىندەگى جازا مەرزىمىن, قاماۋدا ۇستاۋ ۋاقىتىن 2021 جىلدىڭ 23 قىركۇيەگىنەن باستاپ ۇكىم زاڭدى كۇشىنە ەنگەنگە دەيىن 1 تاۋلىك مولشەرىندە 1,5 تاۋلىك مەرزىمىندە قىلمىستىق-اتقارۋ جۇيەسى مەكەمەلەرىندە جازاسىن وتەۋ كەزىن بەلگىلەۋ», دەدى №2 اۋداندىق سوتىنىڭ سۋدياسى باقىتجان ەسەنوۆ.
ۇكىم زاڭدى كۇشىنە ەنگەن جوق.
