سەناتور ەلىمىزدەگى بالالار مەن جاسوسپىرىمدەر سپورتىن قارجىلاندىرۋدى ۇلعايتۋدىڭ ماڭىزدىلىعىن اتاپ ءوتتى. دەپۋتاتتىڭ پىكىرىنشە, پرەزيدەنتتىڭ بۇقارالىق سپورتتى دامىتۋ جونىندەگى تاپسىرماسىن ورىنداۋ ءۇشىن بەلسەندى جۇمىستار جۇرگىزىلۋى قاجەت.
نۇرجان نۇرسيپاتوۆ سونداي-اق الداعى وليمپياداعا دايىندىقتىڭ بارىنشا جوعارى دەڭگەيىنە قول جەتكىزۋ ءۇشىن قاجەتتى شارالار, ونىڭ ىشىندە زاڭنامالىق سيپاتتاعى ۇسىنىستار تۋرالى سالالىق مينيسترلىكتەن حاباردار ەتۋدى سۇرادى.
«2022 جىلدىڭ 4-20 اقپان ارالىعىندا بەيجىڭدە XXIV قىسقى وليمپيادا ويىندارى وتەدى. ياعني ولاردىڭ باستالۋىنا بەس ايدان از ۋاقىت قالدى. وسى ورايدا وتكەن جازعى وليمپيادا ناتيجەسىنىڭ قايتالانۋىن ءبارىمىز دە قالامايمىز. وسىعان بايلانىستى الداعى ويىندارعا دايىندىق دەڭگەيى قانداي؟ توكيوداعى جاعدايدىڭ قايتالانباۋى ءۇشىن نە ىستەۋ كەرەك؟ ءبىزدىڭ «قىسقى» قۇرامانى ىرىكتەۋ, جاتتىقتىرۋ جانە قارجىلاندىرۋ جۇمىستارى قالاي جۇرگىزىلەدى دەگەن سۇراقتار تۋىندايدى», دەدى نۇرجان نۇرسيپاتوۆ.
