فوتو ۆوز/ل.ماككەنزي
بۇۇ توتەنشە جاعداي قورىنان قاراجات بولىنگەنى تۋرالى گۋمانيتارلىق كومەك كوورديناتورى مارتين گريففيتس مالىمدەدى.
ء«بىز اۋعاندىق دەنساۋلىق ساقتاۋ جۇيەسىنىڭ كۇيرەۋىنە جول بەرە المايمىز, بۇل اپات بولار ەدى. ادامدارعا ەڭ قاجەت كومەك كورسەتىلمەي قالادى. مىسالى, دارىگەرلەر ومىرلىك كورسەتكىشتەر بويىنشا كەسار تىلىگىن جاساي المايدى نەمەسە جاراقاتتارعا كومەك كورسەتە الماي قالار ەدى», دەيدى ول.
دۇنيەجۇزىلىك دەنساۋلىق ساقتاۋ ۇيىمىنىڭ باسشىسى, دوكتور تەدروس ادحانوم گەبرەيەسۋس كابۋلدا سويلەگەن سوزىندە, بۇگىندە اۋعاندىق دارىگەرلەر «ادامدار اراسىندا» تاڭداۋ جاساۋعا ءماجبۇر ەكەنىن ايتتى. سەبەبى «ولاردىڭ مۇقتاج ادامدارعا كومەكتەسۋگە مۇمكىندىگى جوق». ددسۇ باسشىسى مۇنداي قورىتىندىعا تاليبان قوزعالىسىنىڭ وكىلدەرىمەن - اۋعانستاننىڭ ءىس جۇزىندەگى بيلىگىمەن, سونداي-اق مەديتسينالىق قىزمەتكەرلەرمەن جانە ناۋقاستارمەن كەزدەسۋىندە كەلگەن. «قارجىلىق قولداۋ بولماسا, مىڭداعان مەديتسينالىق مەكەمەلەر قاجەتتى قۇرالداردى ساتىپ الا المايدى, ال دارىگەرلەرگە جالاقى تولەنبەيدى», دەيدى ول.
سونىمەن قاتار اۋعانستاندى ءدارى-دارمەكپەن قامتاماسىز ەتۋدە كۇردەلى پروبلەماعا اينالعان. وعان جەتكىزۋ جولدارىنىڭ جابىلۋى سەبەپ بولعان. كوروناۆيرۋستىڭ تارالۋى كەزىندە, كوۆيدتى ەمدەلۋشىلەرگە قىزمەت كورسەتەتىن 37 اۋرۋحانانىڭ توعىزى جابىلعان. قىسقارتۋلار اۋرۋ جۇقتىرعانداردى انىقتاۋ مەن ناۋقاستارمەن بايلانىستا بولعانداردى ىزدەۋدەن باستاپ ۆاكتسيناتسياعا دەيىنگى پاندەميامەن كۇرەسۋدىڭ بارلىق جاعدايىنا اسەر ەتكەن.
دوكتور تەدروس اۋعانستانداعى ايەلدەر مەن قىزداردىڭ قۇقىعىنا نازار اۋداردى.
«ەلدە جۇمىس ىستەيتىن مەديتسينالىق مەكەمەلەردىڭ سانى ازايعان جانە دارىگەر ايەلدەر جۇمىسقا شىقپاعاندىقتان اۋعان ايەلدەرى اۋرۋحاناعا جۇگىنبەۋگە تىرىسادى», دەدى ول. ونىڭ ايتۋىنشا, ددسۇ سەرىكتەستەرىمەن بىرگە اۋعانستانداعى قىزدار مەن ايەلدەردىڭ دەنساۋلىعىنا, ءبىلىم الۋىنا جانە ايەل دارىگەرلەردى وقىتۋعا ينۆەستيتسيا سالۋعا مىندەتتى.
ددسۇ حابارلاۋىنشا, بيلىك «تاليبانعا» وتكەنگە دەيىن اۋعانستاننىڭ 2,2 ميلليون تۇرعىنى COVID-19 ۆاكتسيناسىن العان.
«سوڭعى اپتالاردا حالىقتى ۆاكتسيناتسيالاۋ قارقىنى كۇرت تومەندەدى. ۆاكتسينانىڭ 1,8 ميلليون دوزاسى پايدالانىلماي قالدى», دەدى دوكتور تەدروس.
ول جاعدايدى وزگەرتۋ ءۇشىن شۇعىل شارالار قابىلداۋعا جانە جىل سوڭىنا دەيىن اۋعانستان تۇرعىندارىنىڭ كەم دەگەندە 20 پايىزىن كوروناۆيرۋس ينفەكتسياسىنا قارسى ۆاكتسينالاۋعا شاقىردى.
