جوبا ماقساتى – كورسەتىلگەن مەملەكەتتىك قىزمەتتەردىڭ ساپاسىنا, قولجەتىمدىلىگىنە جانە كورسەتىلۋ تارتىبىنە قاتىستى قىزمەت الۋشىلاردىڭ قاناعاتتانۋشىلىق دەڭگەيىن, سونداي-اق 2021 جىلى مەملەكەتتىك قىزمەتتەردى كورسەتۋ بارىسىندا تۋىندايتىن ماسەلەلەردى انىقتاۋ.
جوبا بارىسىندا, ەلىمىزدىڭ بارلىق ايماقتارىندا تۇراتىن كەمىندە 12 000 قىزمەت الۋشىنى قامتۋ جوسپارلانعان. بارلىق مەملەكەتتىك ورگاندارمەن جانە حقو-مەن كورسەتىلەتىن 75 مەملەكەتتىك قىزمەتتىڭ ساپاسى مەن قولجەتىمدىلىگى جونىندەگى تۇلعالاردىڭ پىكىرلەرى, قىزىعۋشىلىقتارى, ۇسىنىستارى مەن قالاۋى تالداناتىن جانە تىركەلەتىن بولادى. تالداۋ ەڭ اۋقىمدى, پروبلەمالىق (بيۋروكراتيالىق, سىبايلاس جەمقورلىق, ورىنداۋ مەرزىمنىڭ بۇزىلۋى, شاعىمدار جانە ت.ب.) جانە الەۋمەتتىك ماڭىزى بار مەملەكەتتىك قىزمەتتەردى قامتيدى.
اكىمشىلىك كەدەرگىلەردى انىقتاعاننان كەيىن جانە مەملەكەتتىك ورگانداردان قىزمەت الۋ كەزىندە قىزمەت كورسەتۋشىلەرگە سەنىم دەڭگەيىن زەرتتەگەننەن كەيىن ەڭ وسال ورىندار انىقتالادى. باقىلاۋ بارىسىندا, مەملەكەتتىك قىزمەتتى الۋ كەزىندەگى الەۋمەتتىك شيەلەنىس دەڭگەيىن زەرتتەۋ, حالىقتىڭ مەملەكەتتەن الاتىن ناقتى قىزمەتتەرى تۋرالى حاباردار بولۋ دەڭگەيىن انىقتاۋ جوسپارلانۋدا. قوعامدىق مونيتورينگ ناتيجەسىندە مەملەكەتتىك قىزمەت كورسەتۋ ءراسىمىن جەتىلدىرۋ, ولاردى ۇسىنۋ مەن جىكتەۋ بويىنشا بيزنەس پروتسەستەردى اۆتوماتتاندىرۋ تۋرالى ۇسىنىستار ازىرلەنەدى.
سونىمەن بىرگە, اعىمداعى جىلى قوعامدىق مونيتورينگ ونلاين فورماتتا دا وتكىزىلۋدە. وسىلايشا, قىزمەت الۋشىلارعا جەكە ونلاين – ساۋالنامانى ءوتۋ ۇسىنىسى جانە ارنايى پلاتفورماعا سىلتەمەسى بار SMS جولدانادى. SMS جولدامادا كورسەتىلگەن مەرزىمدە ونلاين ساۋالنامانى تولتىرماعان تۇلعالار, ساۋالناماعا تەلەفون ارقىلى قاتىسا الادى.
مەملەكەتتىك قىزمەتتەردى كورسەتۋ ساپاسىن ارتتىرۋعا ءوز ۇلەسىن قوسقىسى كەلەتىن قازاقستاندىقتار +7 700 000 08 56 نومىرىنە حابارلاسىپ, ونلاين ساۋالناماعا قاتىسا الادى.
