الەم • 22 قىركۇيەك, 2021

چەحيا پرەزيدەنتى اۋرۋحانادان شىقتى

190 رەت

كورسەتىلدى

1 مين

وقۋ ءۇشىن

چەحيا پرەزيدەنتى ميلوش زەمان ءبىر اپتا ەمدەلىپ, اۋرۋحانادان شىعارىلدى, دەپ حابارلايدى Egemen.kz.

گاۋھار قاپاش

پرەزيدەنت وكىلى ميلوش زەمان پراگاداعى ورتالىق اسكەري ۋنيۆەرسيتەت گوسپيتالىنەن شىعىپ, مەديتسينالىق تەكسەرۋدەن وتكەنىن ايتتى. ول پرەزيدەنتتىڭ جاعدايى مەن ەمدەلۋىنە قاتىستى سۇراقتارعا جاۋاپ بەرمەدى.

سونىمەن قاتار ول زەماننىڭ الداعى كۇندەرگە ارنالعان جۇمىس باعدارلاماسى تۋرالى ايتتى. چەحيا باسشىسى پرەمەر-ءمينيستردىڭ ورىنباسارى, قارجى مينيسترىمەن كەزدەسەدى, سونداي-اق بوستاندىق جانە تىكەلەي دەموكراتيا قوزعالىسىنىڭ جەتەكشىسى توميو وكامۋرامەن كەلىسسوزدەر جۇرگىزەدى.

76 جاستاعى زەمان اۋرۋحاناعا 14 قىركۇيەكتە تۇسكەن. كەيىن ساياساتكەر شامالى شارشاۋ جانە اعزاداعى سۋ مولشەرىنىڭ تومەندەۋىنە بايلانىستى اۋرۋحاناعا جاتقىزىلعانى بەلگىلى بولدى.

ميلوش زەمان - چەح مەملەكەتتىك جانە ساياسي قايراتكەرى, 2013 جىلدىڭ 8 ناۋرىزىنان باستاپ چەحيانىڭ پرەزيدەنتى. 1993 جىلدان 2001 جىلعا دەيىن چەح سوتسيال-دەموكراتيالىق پارتياسىن باسقارعان.