ۇكىمەت نازارىنا

ناقتى جەر تەلىمىنىڭ ناقتى وتەۋى قايدا؟ ەلباسى جولداۋىندا ايتىلعان جەتىگەن – قورعاس تەمىر جول قۇرىلىسى الماتى وبلىسىنا قاراستى ىلە, تالعار, ەڭبەكشىقازاق جانە باسقا اۋدان­داردىڭ جەرىن باسىپ وتەدى. بارشامىز دا مەملەكەتتىك ماڭىزى بار بۇل ءىستى قۋانا قارسى الدىق. تەمىر جول قۇرىلىسى مەملەكەت مەن­شىگىندەگى تابيعي شابىندىقتار مەن مال جايىلىم­دارىن, سونىمەن بىرگە جول اۋىلداردىڭ ماڭدارىنا سالىن­عان­دىقتان, شارۋا قوجا­لىقتارىنىڭ سۋارمالى جەرلەرىن دە باسىپ وتەدى. تالعار اۋدانىن­داعى نۇرا اۋىل­دىق وكرۋگىنە قاراستى شارۋا قوجالىق­تارىنا بەرىل­گەن ءتۇسى­نىكتەمەدە بىزگە وسىنداي سۋارمالى جەر تەلىمدەرى بەرىلەتىنى نەمەسە شىعىندارىمىزدىڭ وتەمى تولەنەتىنى ايتىلعان ەدى. قازىر جەردىڭ قادىرى مەن باعاسىن ءبارىمىز دە بىلەتىن بولدىق. بالا-شاعانىڭ ناپاقاسىن وسى جەر ارقى­لى تاۋىپ وتىرعانىمىز انىق. تەمىر جولدىڭ قاجەتتىگىن بارىنشا تۇسىنە وتىرىپ, ءبىزدىڭ شارۋا قوجالىق­تارىمىزعا 49 جىلعا جالعا بەرىلگەن جەرىمىزدىڭ تەمىر جول قۇرىلىسى ءۇشىن الىنعان تەلىمدەرىنە وتەم تالاپ ەتۋگە قۇقىلى بولساق كەرەك. وسى حاتقا قول قويعان شارۋا قوجالىقتارىنىڭ جەتەكشىلەرى “قازاقستان تەمىر جولى” ۇلتتىق كومپا­نياسى باسشىلارىنان ءوز تالاپ-تىلەكتەرىمىزگە ناقتى جاۋاپ الا الماي جۇرگەنىمىزدى نازارعا سالعىمىز كەلەدى. ەگەر تالابىمىز جەرگىلىكتى اتقارۋشى ورگاندار تاراپى­نان شەشىلەتىن بولسا, بىزگە بالامالى جەر تەلىمدەرى بەرىلۋى ءتيىس, ەگەر قتج تاراپىنان شەشى­لەتىن بولسا جەر كودەكسىنىڭ 84-بابىن­ىڭ 4-تارماعىنا سايكەس شىق­قان شىعىن­دارىمىز وتەلۋى كەرەك. م.سەيىتوۆ, ت.سىرعاباەۆ, ج.سمايلوۆ, س.ءنۇسىپجانوۆ, نۇرا اۋىلدىق وكرۋگىنە قاراستى شارۋا قوجالىقتارىنىڭ جەتەكشىلەرى. الماتى وبلىسى.