ول, سونداي-اق, وتاندىق ۆاكتسيناعا يندونەزيا, يران, اۋعانستان, وزبەكستان, قىرعىزستان, تاجىكستان سەكىلدى شەتەلدىك مۇسىلمان ەلدەرى دە قىزىعۋشىلىق تانىتىپ وتىرعانىن ايتتى.
«QazVac – Covid-19-عا قارسى بەلسەندىلىگى جويىلعان ۆيرۋستان دايىندالعان, تازارتىلعان, اديۋۆانت – اليۋميني گيدروتوتىعى قوسىلعان, كونتسەنتراتسيالانعان ۆاكتسينا. عالىمدار جۇرگىزگەن كلينيكالىق سىناقتىڭ ءىىى كەزەڭىنىڭ ناتيجەسى بويىنشا ۆاكتسينانىڭ تيىمدىلىگى 90%-دان جوعارى. بۇل رەتتە, ۆاكتسينانىڭ شاريعاتقا ساي دايىندالۋىن قاداعالاۋ ماقساتىندا اسا قاۋىپتى ينفەكتسيالاردىڭ قوزدىرعىشتارىمەن جۇمىس جاساۋعا باعىتتالعان ينستيتۋت زەرتحاناسىمەن تانىستىق. بۇعان دەيىن QazVac ۆاكتسيناسىن قۇراۋشى نەگىزگى كومپونەنتتەردى جەكە-جەكە قاراستىرىپ, شاريعات جانە ءپاتۋا ماماندارىنىڭ نازارىنا ۇسىنعان بولاتىنبىز. الماتىدا باستالعان عۇلامالار كەڭەسىندە وسى ماسەلە بويىنشا ءدىني ساراپشىلاردىڭ پىكىرى نازارعا الىنادى», دەدى ەرشات اعىباي ۇلى.
قمدب سەرتيفيكاتتاۋ پروتسەسى اياقتالعان سوڭ ونىڭ قورىتىندىسىن حابارلايدى.
