پرەزيدەنت • 22 قىركۇيەك، 2021

مەملەكەت باسشىسى ماشينا جاساۋشىلارعا ۇندەۋ جاسادى

186 رەت كورسەتىلدى

ەلورداداعى ەحرو حالىقارالىق كورمە كەشەنىندە قازاقستان ماشينا جاساۋشىلارىنىڭ ءىح فورۋمى ءوتىپ جاتىر، دەپ حابارلايدى Egemen.kz.

ءىس-شارا ونلاين فورماتتا وتۋدە. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ فورۋم قاتىسۋشىلارىنا ۇندەۋىن پرەمەر-ءمينيستردىڭ ورىنباسارى رومان سكليار جەتكىزدى.

«قۇرمەتتى فورۋم قاتىسۋشىلارى، قازاقستان ماشينا جاساۋشىلارىنىڭ IX فورۋمى ءىس-شاراسىنىڭ باستالۋىمەن قۇتتىقتايمىن. فورۋم مەملەكەت پەن بيزنەستىڭ پراكتيكالىق ديالوگىنا، وتاندىق ماشينا جاساۋ سالاسىنداعى وزەكتى ماسەلەلەردى شەشۋگە ارنالعان جەتەكشى الاڭعا اينالدى. پاندەمياعا قاراماستان، وتاندىق ماشينا جاساۋشىلار ەكونوميكالىق كورسەتكىشتەر بويىنشا كوشباسشىلاردىڭ ءبىرى بولىپ تابىلادى. سالانىڭ ءوسىم دەڭگەيى 24 پايىزدى قۇرادى - بۇل وڭدەۋشى سەكتوردىڭ دامۋىنا ەلەۋلى ۇلەس. يندۋستريالاندىرۋدىڭ 10 جىلىندا، العاش رەت وڭدەۋشى ونەركاسىپتىڭ ەكونوميكا دامۋىنا قوسقان ۇلەسى تاۋ-كەن ءوندىرۋ سالاسىنىڭ ۇلەسىنەن اسىپ ءتۇستى. قازاقستاندىق ماشينا جاساۋشىلار قويىلعان مىندەتتەردى ءتيىستى دەڭگەيدە ورىنداۋدا، شىعارىلاتىن بۇيىمدار نومەنكلاتۋراسىن كەڭەيتۋدە، جاڭا تەحنولوگيالىق ازىرلەمەلەردى ەنگىزۋدە، جالپى ەلدەگى ەكونوميكالىق وزگەرىستەر كوشباسشىلارىنىڭ قاتارىندا.

مەملەكەت ماشينا جاساۋ سالاسىنىڭ سۇرانىسقا يە جوبالارىن ءاردايىم قولداپ كەلەدى جانە قولدايتىن بولادى. جولداۋدا مەن وڭدەۋ ونەركاسىبىنىڭ ەكسپورتىن 24 ميلليارد دوللارعا دەيىن جانە ەڭبەك ونىمدىلىگىن 2025 جىلعا قاراي وتىز پايىزعا ۇلعايتۋ مىندەتىن قويدىم. بۇل ءۇشىن مەملەكەت ونەركاسىپتىك ساياسات تۋرالى زاڭ قابىلدايدى، وتاندىق ونەركاسىپتىك كاسىپورىنداردى نەعۇرلىم قولجەتىمدى شيكىزاتپەن قامتاماسىز ەتۋ تەتىگىن بەكىتەدى. وتاندىق اگروونەركاسىپتىك جانە ونەركاسىپتىك ساياساتتى ۇشتاستىرۋ قامتاماسىز ەتىلەدى. قازاقستاننىڭ ماشينا جاساۋ سالاسى ەكونوميكالىق ءوسىمنىڭ، جۇمىسپەن قامتۋ مەن ەكسپورتتىڭ قوزعاۋشى كۇشىنە اينالاتىنىنا سەنىمدىمىن. قىزمەتىرىڭىزگە جەتىستىك جانە العا قويعان ماقساتتارىڭىزعا جەتۋدە تابىس تىلەيمىن. قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆ»، دەدى رومان سكليار.

 

 

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار