تيىمدىلىك تەتىگى – ساپالى جۇمىس

«باتىس» وڭىرلىك قولباس­شى­لىعىنىڭ اسكەري قىزمەتشىلەرى قازاقستان رەسپۋبليكاسىنىڭ پرەزيدەنتى نۇرسۇلتان نا­زار­باەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بو­لاشاق» اتتى جولداۋىنا بايلانىستى جيىن وتكىزدى. «باتىس» وڭىرلىك قولباس­شى­لىعى اسكەرلەرىنىڭ قولباسشىسى پول­كوۆنيك مۇرات نۇعمانوۆ گار­نيزون اسكەري بولىمدەرى مەن مەكەمەلەرى جەكە قۇرامىمەن اڭگىمەلەسۋ بارىسىندا مەملەكەت باسشىسى جولداۋىنىڭ ماڭىزىنا جان-جاقتى توقتالدى. جوعارعى باس قولباسشى: «سترا­تەگيا – بۇل قازاق­ستان­دىق­تاردىڭ ءومىرىن جانە ەلىمىزدىڭ وركەندەۋىن كۇن سايىن, جىل سايىن جاقسارتاتىن ناقتى ىستەردىڭ باعدارلاماسى. سونىمەن بىرگە, وڭ ناتيجەگە جەتۋ ءۇشىن ءاربىر ادام ءتيىمدى جۇمىس ىستەۋى ءتيىس. مەم­لەكەتتىڭ باستى مىندەتى – ناق­تى جاعداي جاساۋ», دەدى. جانە دە بىزدەر, اسكەري قىزمەتشىلەر ءۇشىن قاجەتتى بارلىق جاعدايلار جا­سالعان. جوعارعى باس قولباس­شىنىڭ تاپسىرماسى بويىنشا اسكەري قىزمەتشىلەر باسپانامەن قامتاماسىز ەتىلگەن, قازاقستان ارمياسى قازىرگى زامانعى اسكەري تەحنيكامەن, قارۋ-جاراقپەن جاب­دىقتالعان. سونداي-اق, جينالىس بارىسىندا ەلباسى جولداۋىنىڭ نەگىزگى باعىتتارىن جۇزەگە اسىرۋعا بايلانىستى جۇمىستاردىڭ نەگىزگى مەجەلەرى بەلگىلەندى. اقتوبە گارنيزونى اسكەري قىزمەتشىلەرى مەملەكەت باسشىسىنىڭ يدەيا­لارى وزدەرىنە قانات ءبىتىر­گەن­دىگىن جانە قازاقستان رەسپۋب­ليكاسىنىڭ الەمنىڭ ەڭ دامىعان 30 مەملەكەتىنىڭ قاتارىنا قوسى­لۋىنا وزدەرى تاراپتارى­نان بار كۇش-جىگەرلەرىن ارناي­تىن­دىقتارىن اتاپ ءوتتى. ساتىبالدى ءساۋىرباي, «ەگەمەن قازاقستان». اقتوبە.