ەلوردا • 21 قىركۇيەك، 2021

وسى اپتادا ەلوردادا قانداي مادەني شارالار وتەدى؟

10 رەت كورسەتىلدى

تەاتر جانە كونتسەرت ماۋسىمدارىنىڭ باستالۋىمەن ەلوردانىڭ مادەنيەت مەكەمەلەرى كۇن سايىن قالا تۇرعىندارى مەن قوناقتارىن ءوز قويىلىمدارىمەن جانە باعدارلامالارىمەن قۋانتادى، دەپ حابارلايدى Egemen.kz.

وسى اپتادا ولار جاڭا سپەكتاكلدەر، كونتسەرتتىك قويىلىمدار ۇسىنادى. بۇل رەتتە سانيتارلىق نورمالار مەن كارانتين تالاپتارىن قاتاڭ ساقتاي وتىرىپ وتكىزىلەدى.

ەلوردالىق «جاستار» تەاترى 21 جانە 22 قىركۇيەك كۇندەرى ساعات 19:00-دە ت.ءميننۋلليننىڭ «ديليافرۋزدىڭ ءتورت كۇيى» كومەدياسىن كورسەتەدى. 23 قىركۇيەكتە جاس كورەرمەندەرگە «ۇر توقپاق» اتتى قازاق حالىق ەرتەگىسى ۇسىنىلادى. كورسەتىلىمدەر ساعات 12:00 جانە 14:00-دە وتەدى. 24 جانە 25 قىركۇيەك كۇندەرى كەشكە تەاتر ارتىستەرى س.قاسىمبەكتىڭ «ليفت» پسيحولوگيالىق دراماسىمەن ونەر كورسەتەدى. ەلوردالىق قۋىرشاق تەاترى قازاق حالىق ەپوسىنىڭ جەلىسى بويىنشا «ەر توستىك» ەرتەگىسىن تاماشالاۋعا شاقىرادى.

24 قىركۇيەكتە قويىلىم ساعات 16:00-دە، 25 جانە 26 قىركۇيەكتە ساعات 12:00-دە، 14:00-دە جانە 16:00-دە كورسەتىلەدى.

م.گوركي اتىنداعى مەملەكەتتىك اكادەميالىق ورىس دراما تەاترى 22 قىركۇيەك كۇنى ساعات 11:00 جانە 14:00-دە كىشى زال ساحناسىندا ا.بولدينوۆتىڭ «پريكليۋچەنيا ايستەنكا» ەرتەگىسىن ۇسىنادى.

24 قىركۇيەكتە ساعات 19:00-دە 121-ءشى تەاتر ماۋسىمىنىڭ رەسمي اشىلۋى بولادى، وندا گوركي ن.گوگولدىڭ «گوگول. پەتەربۋرگ»، «پەتەربۋرگسكيح پوۆەستەي» نەگىزىندە پرەمەرالىق قويىلىم قويادى. تۇستەن كەيىن ولار ر. باەردىڭ «سمەشاننىە چۋۆستۆا» مەلودراماسىن كورسەتەدى.

21 قىركۇيەك كۇنى استانالىق تسيركتىڭ Instagram پاراقشاسىندا تسيرك ءارتىسى حاليل كاماشەۆتىڭ شەبەرلىك ساباعىن كورۋگە بولادى. ەلوردانىڭ مەملەكەتتىك اكادەميالىق فيلارمونياسى كورەرمەندەردى ەل تاۋەلسىزدىگىنىڭ 30 جىلدىعىنا ارنالعان قازاق وركەسترىنىڭ XXV كونتسەرتتىك ماۋسىمىنىڭ اشىلۋىنا ورايلاستىرىلعان «ماڭگىلىك ەل» كونتسەرتىنە شاقىرادى. مۋزىكالىق كەش 24 قىركۇيەكتە «استانا» كونتسەرت زالىندا وتەدى.

22 قىركۇيەكتە «ناز» بي تەاترىندا سارىارقا اۋدانىنىڭ كامەلەتكە تولماعانداردىڭ ىستەرى جونىندەگى ينسپەكتورىن تارتا وتىرىپ، «كامەلەتكە تولماعان بالالاردىڭ قۇقىقتارى، ۇيدەن تىس جەردە بالانىڭ قۇقىقتارىن قورعاۋ» تاقىرىبىندا ءدارىس وتكىزىلەدى.

كۇن سايىن جۇمىس كۇندەرى بەيبىتشىلىك جانە كەلىسىم سارايىندا «تۋعان جەر» بالالار-جاسوسپىرىمدەر ستۋدياسى حورەوگرافيا، حور، سولفەدجيو، اكتەرلىك شەبەرلىك جانە ت.ب. بويىنشا ساباقتار وتكىزەدى. سارايدىڭ 6-قاباتىندا ورنالاسقان «قۇلانشى» زاماناۋي ونەر ورتالىعى قوناقتاردى 24 قىركۇيەككە دەيىن ساعات 10.00-دەن 18.00-گە دەيىن جۇمىس ىستەيتىن «ونا» بەينەلەۋ ونەرى كورمەسىنە شاقىرادى. ورتالىقتاندىرىلعان كىتاپحانا جۇيەسى ءوز وقىرماندارى ءۇشىن ونلاين جانە وفلاين رەجيمىندە كوپتەگەن ءىس-شارالار دايىندادى.

ەلوردانىڭ بارلىق دەرلىك كىتاپحانالارىندا كىتاپ كورمەلەرى، ادەبي ساعاتتار، تانىمدىق، تاقىرىپتىق سورەلەر، سۋرەتتەر كورمەلەرى، ەكسكۋرسيالار وتەدى. ولار قازاقستان حالقىنىڭ تىلدەر كۇنىنە ارنالادى.

 

سوڭعى جاڭالىقتار

الماتى ماڭىندا جەر سىلكىندى

ايماقتار • بۇگىن، 09:35

كوروناۆيرۋستان 9 ادام قايتىس بولدى

قازاقستان • بۇگىن، 09:28

الماتى وبلىسى «قىزىل» ايماققا ءوتتى

كوروناۆيرۋس • بۇگىن، 09:15

سپورت جاڭالىقتارىنا شولۋ

سپورت • بۇگىن، 09:07

ساراننىڭ ۇزىن ساكىسى

قازاقستان • بۇگىن، 09:05

كوبەلەكتەر كورمەسى

ونەر • بۇگىن، 09:04

قارسىلاستار انىقتالدى

سپورت • بۇگىن، 08:59

ءجاۋدىر انا

تانىم • بۇگىن، 08:56

فيزيكالىق ۋران قورىنا قاتىسادى

ەكونوميكا • بۇگىن، 08:46

543 ملرد تەڭگەنىڭ ءونىمى ءوندىرىلدى

ەكونوميكا • بۇگىن، 08:44

باسقا باسىلىمدارعا شولۋ

الەم • بۇگىن، 08:41

ءۇش جىلدىق بيۋدجەت ماقۇلداندى

ساياسات • بۇگىن، 08:25

اقىل الىبى

رۋحانيات • كەشە

شىعىستانۋدىڭ بيىك شىنارى

ايەل الەمى • كەشە

بەيقامدىق بەلەڭ الىپ تۇر

كوروناۆيرۋس • كەشە

ۇلكەن قالادا اداسۋ

رۋحانيات • كەشە

ۇقساس جاڭالىقتار