قازاق ەلى – «ماڭگىلىك ەل»

قازاق ەلى! ماڭگىلىك ەل – ءبىر اتىم! ماڭگى جاساۋ – جالعىز عانا مۇراتىم. اي مەنىكى سۇتتەي اق بوپ تۋاتىن, كۇن مەنىكى ك ۇلىمسىرەپ شىعاتىن. ءمىنىپ الىپ ارمان اتتى پىراققا, جەتەم ءالى جۇرت جەتپەگەن مۇراتقا. سونسە سونەر جىپىرلاعان جۇلدىزدار, كۇن سونبەيدى, اي سونبەيدى بىراق تا. ارىن ساتپاس ارۋىم بار بال قىلىق, نارىم دەرلىك ساپتا تۇرعان ءار جىگىت. انا ءتىلىم, بابا ءدىلىم, ءداستۇرىم – مەندەگىنىڭ بارلىعى دا ماڭگىلىك. وڭالماسسىڭ وق اتقانمەن تاسامنان, قۇلپىتاستىڭ قۇپياسىن اشا العام. مەنىڭ ءسوزىم مىڭجىلدىقتار قوينىندا كوك تۇرىكتىڭ كوك تاسىنا قاشالعان. كەڭ دالاسىن كۇزەتەم دەپ تۇراننىڭ, كوكتەن جەرگە كوز قاداعان قىرانمىن. قاھارىمنان قۇتىلۋى قيىن-اق قۇتتى ەلىمە قاستىق قىلعان ءبىر اڭنىڭ. بۇل دالاعا بۇرسا بىرەۋ اتباسىن, بوساعامنان باسىن ءيىپ اتتاسىن. قارا نيەت, تەرىس پيعىل دۇشپانىم قايتسىن قاقپاي «ماڭگىلىك ەل» قاقپاسىن. سان عاسىرلىق تاريحىممەن سىرلاستىم, سىرلاس بولىپ, تالاي اسۋ, قىردى استىم. مەنىڭ اتىم – «ماڭگىلىك ەل»! سوندىقتان, جالعىز عانا ماڭگىلىكپەن قۇرداسپىن! سەرىك سەيىتمان. استانا.