ءبىر اپتادا – ەكى ۇشەم

ءار اتا-انانى ءسابيدىڭ ىڭگالاپ ءومىر ەسىگىن اشۋى ۇلكەن قۋانىشقا بولەيدى. ال وتباسىنا ۇشەم كەلسە شە؟ ارينە, ءار ءسابيدىڭ ءوز نەسىبەسى بولارىنا ءۇمىت ارتا قارايتىن قازاق وتباسى ءۇشىن ۇشەمنىڭ ءجونى تىپتەن الابوتەن. اتىراۋ وبلىستىق پەرزەنتحاناسىندا ءبىر اپتادا ەكى ۇشەم جارىق دۇنيە ەسىگىن ىڭگالاي اشىپ, ەكى وتباسىن مارە-سارە قۋانىشقا كەنەلتتى. ءار اتا-انانى ءسابيدىڭ ىڭگالاپ ءومىر ەسىگىن اشۋى ۇلكەن قۋانىشقا بولەيدى. ال وتباسىنا ۇشەم كەلسە شە؟ ارينە, ءار ءسابيدىڭ ءوز نەسىبەسى بولارىنا ءۇمىت ارتا قارايتىن قازاق وتباسى ءۇشىن ۇشەمنىڭ ءجونى تىپتەن الابوتەن. اتىراۋ وبلىستىق پەرزەنتحاناسىندا ءبىر اپتادا ەكى ۇشەم جارىق دۇنيە ەسىگىن ىڭگالاي اشىپ, ەكى وتباسىن مارە-سارە قۋانىشقا كەنەلتتى. اتالعان پەرزەنتحانادا العاشقى ۇشەم 8 قاڭتاردا ومىرگە كەلگەن. ارقايسىسىنىڭ سالماعى 2600, 2400 جانە 1900 گرامدى قۇراعان ۇشەمگە اتا-اناسى امان, ەسەن, ءجۇرسىن دەگەن ەسىمدەردى تاڭداپتى. ولاردىڭ اناسى اينۇر جۇماشەۆانىڭ سوزىنە قاراعاندا, بۇعان دەيىن بۇل وتباسىندا قۇلدىراڭداپ شاۋىپ جۇرگەن ءۇش ۇلدىڭ قاتارى ءبىر كۇندە التاۋعا جەتىپتى. وتباسىنىڭ ۇلكەن ۇلى 2-سىنىپتا وقيدى. الايدا, ءبىر كۇندە 6 ۇلدى اتانعان وتباسىنا جەرگىلىكتى بيلىكتىڭ قولداۋى قاجەتتىگى سەزىلەدى. تاعى ءبىر ۇشەمگە جارىق ءومىر سىيلاعان انا – يرينا سافيەۆا. پەرزەنتحانا دارىگەرلەرىنىڭ پىكىرىنشە, ميلانا, رادميلا, تەمىرلان ەسىمدەرى بەرىلگەن ۇشەمدەردىڭ ىشىندە ۇلدىڭ سالماعى 1600 گرامم, ال ەكى قىزدىڭ سالماعى 1900 گرامم بولعان. يرينانىڭ وتباسىندا جيىرما جىل بۇرىن تۋعان ءبىر قىز بار ەكەن. بۇل وتباسى دا ەندى كوپبالالىلار قاتارىنا قوسىلدى. جولداسبەك شوپەعۇل, «ەگەمەن قازاقستان». اتىراۋ وبلىسى