«اقش اۋىل شارۋاشىلىعى مينيسترلىگى مەن استىق جونىندەگى حالىقارالىق كەڭەستىڭ ەسەبىنە سايكەس, بارلىق نەگىزگى استىق ءوندىرۋشى ەلدەردە بيداي ءوندىرىسىنىڭ تومەندەۋى كۇتىلۋدە. ماسەلەن, كانادادا بيداي جيناۋ وتكەن جىلمەن سالىستىرعاندا - 34,5%, رەسەيدە - 15%, امەريكادا - 7% تومەندەۋى مۇمكىن. استىق جونىندەگى حالىقارالىق كەڭەستىڭ باعالاۋىنشا, الەمدە بيداي ءوندىرۋ كولەمى 781,7 ملن توننانى قۇرايدى», دەدى مينيستر.
ءمينيستردىڭ مالىمدەۋىنشە, بيىل ءداندى جانە مايلى داقىلداردى جيناۋ الاڭى 18,9 ملن گەكتاردى قۇرادى. وبلىس اكىمدىكتەرىنىڭ دەرەگى بويىنشا, ونىمدىلىك گەكتارىنا 9,5 تسەنتنەر بولعاندا (تس/گا) ءداندى جانە مايلى داقىلداردىڭ بولجامدى جالپى ءتۇسىمى شامامەن 18 ملن توننانى قۇرايدى.
«بۇگىنگى كۇنى شامامەن 14,3 ملن توننا ءداندى-داقىلدار جانە 200 ملن توننا مايلى داقىل جينالدى. ال بارلىق مايلى داقىلدى جاپپاي جيناۋ وسى ايدا باستالادى», دەدى مينيستر.
