مەديتسينا • 21 قىركۇيەك، 2021

تىڭ تاسىلدەردىڭ ءتيىمدى تۇسى كوپ

59 رەت كورسەتىلدى

ۋاقىت تالابىنا ساي دارىگەردىڭ ءبىلىم-بىلىگى مەن كاسىبي دەڭگەيى ۇنەمى جەتىلىپ، سالاداعى تىڭ جاڭالىقتارمەن بىرگە تولىسىپ وتىرۋى ءتيىس. بۇگىنگى تاڭدا سيمۋلياتسيالىق ءبىلىم بەرۋ ورتالىقتارى ءبىلىم الۋشىعا ءوز بەتىنشە تالاپ ەتىلەتىن پروتسەدۋرالاردى ورىنداۋعا مۇمكىندىك بەرەتىن ۆيرتۋالدى جانە روبوتتالعان مانەكەندەردى پايدالانا وتىرىپ، جاس مامانداردىڭ پراكتيكالىق ءبىلىمى مەن داعدىلارىن قالىپتاستىرۋعا زور سەپتىگىن تيگىزىپ وتىر.

كارديولوگيا جانە ىشكى اۋرۋ­لار عىلىمي-زەرتتەۋ ينستيتۋتىنىڭ باسقارما توراعاسى، مەديتسينا عىلىمدارىنىڭ دوكتورى، پروفەسسور روزا قۋانىشبەكوۆانىڭ ايتۋىنشا، مەديتسينا قارقىندى دامىعان سايىن دارىگەردىڭ جۇ­مىسى ۇنەمى جاڭا تەحنولوگيالاردى، دياگنوستيكا مەن ەمدەۋدىڭ جاڭا ادىستەرىن مەڭگەرۋدى تالاپ ەتەدى.

«سيمۋلياتسيالىق تەحنولوگيا­لاردى قولدانۋ وقۋ ۇدەرىسىن ءتي­ىم­دى ەتۋگە مۇمكىندىك بەرەدى. بۇل – وقىتۋشىلار مەن ءدارىس الۋ­شى­لار­دىڭ مەجەلەنگەن ناتيجەگە قا­ۋىپسىز قول جەتكىزۋىنىڭ توتە جولى. اسىرەسە پاندەميا كەزىندە مۇ­نىڭ كومەگى زور. بۇل تەحنولوگيا­لار­دى قىزمەتكەرلەردىڭ بىلىك­تى­لىگىن ارتتىرۋ پروتسەسىنە ەنگىزۋ – وبەكتيۆتى قاجەتتىلىك»، دەيدى روزا توقتانالىقىزى.

جۇرەك اۋرۋلارىن ىندەتە زەرت­­تەيتىن ينستيتۋتتا قىزمەت ەتە­­تىن جۇرەك-وكپە رەانيماتسيا­سى، ينتەرۆەنتسيالىق كارديولوگيا جانە اريتمولوگيا سيمۋلياتسيا ورتالىقتارى، سونداي-اق گيبريدتى زەرتحانالار رەزيدەنتتەر مەن دارىگەرلەردىڭ تەوريالىق جانە پراكتيكالىق داعدىلارىن مەڭگەرۋگە ايرىقشا سەرپىن بەرگەن.

ء«بىلىم الۋشىلاردىڭ Simbionix ANGIO Mentor Suite سيمۋ­­لياتورىندا ەندوۆاسكۋليارلىق ارالاسۋلاردىڭ داعدىلارىن مەڭ­گەرۋگە مۇمكىندىكتەرى بار. بۇل – ناقتى ۋاقىت رەجى­مىندە رەنت­گەنوسكوپيانىڭ باقى­لا­ۋى­مەن ورىندالاتىن ەن­دوۆاس­كۋليارلىق پروتسەدۋرالاردىڭ كوم­پيۋتەرلىك مەديتسينالىق سيمۋلياتورى. ول انگيوگرافيا، انگيوپلاستيكا جانە ستەنتتەۋ سەكىلدى ەندوۆاسكۋليارلىق پروتسەدۋرالاردى جۇرگىزۋدىڭ جەكە نەمەسە كوماندالىق جاتتىق­تى­­رۋىن ۇسىنادى»، دەيدى رەنت­گەنو­ەندوۆاسكۋليارلىق وپەراتسيا بلوگىنىڭ مەڭگەرۋشىسى، ينتەر­ۆەنتسيالىق كارديولوگ، رەنتگەنحيرۋرگ الەكسەي كولەسنيكوۆ.

جۇيەنىڭ اناتوميالىق قۇ­رى­­لىمداردى شىنايى 3D كور­سەتۋ جانە ينتەرۆەنتسيالىق قۇ­رالداردى پايدالانا وتىرىپ پروتسەدۋرالاردى شىنايى يميتاتسيالاۋ جانە تاكتيلدى سەزىمدەر جاساۋ قابىلەتى بار. Simbionix ANGIO Mentor كورونارلىق ارا­لا­سۋلاردىڭ نەگىزگى داعدىلارى جو­نىندەگى ءمودۋلدى قامتيدى، وندا جۇرەك تامىرلارىن ستەنتتەۋ كەزىندەگى اسقىنۋلار بويىنشا سيمۋلياتسيالىق باعدارلامالار، اس­قىنۋلارمەن كۇرەسۋدىڭ پراك­تي­كالىق داعدىلارىن ازىرلەۋ جانە ءجىتى كورونارلىق سيندروم كە­زىن­دەگى ينتەرۆەنتسيالىق ارالاسۋلار ەنگىزىلگەن.

مۇنداعى داعدارىستاردى زەرتتەۋ ورتالىعىنىڭ (ليتۆا، كاۋناس قالاسى) قولداۋىمەن قۇ­رىلعان گيبريدتى زەرتحانا ءوز تيىمدىلىگىن كورسەتكەن. داعدا­رىس­تاردى زەرتتەۋ ورتالىعى ازىر­­لەگەن وقىتۋ ادىستەمەسى ءبى­لىمدى تەز جانە ءتيىمدى تاراتۋعا، سون­داي-اق پەرسونالدىڭ پراك­تيكالىق داعدىلارىن تاجى­ري­بەدە قول­دانۋعا مۇمكىندىك بەرەدى. تاۋ­لىك بويى تىنىمسىز جۇ­مىس ىستەۋگە قاۋقارلى زەرتحانا ما­مانداردىڭ پراكتيكالىق داعدىلارىن قالىپتاستىرۋ دەڭ­گەيىن ارتتىرا تۇسكەن.

كارديولوگيا كافەدراسىنىڭ باسشىسى، مەديتسينا عىلىم­دا­رىنىڭ كانديداتى ايسۇلۋ مۇ­سا­عاليەۆانىڭ ايتۋىنشا، بار­لىق ساباق بەينەتاسپاعا جازىلىپ، پروتسەستى ارنايى نۇس­قاۋ­شى باقىلاپ وتىرادى. كۋرس اياق­­­تالعاننان كەيىن قورى­تىن­دى تاپ­سىرما بەرىلىپ، تاس­پاعا جا­­­زىلعان جۇمىس نۇسقاۋشى تاراپىنان باعالانادى. مامان­دار­دىڭ پىكىرىنشە، گيبريدتى زەرتحانا بازاسىندا وتەتىن «جە­دەل كار­­ديو­لو­گيالىق كومەك»، «ما­مان­دان­دى­رىلعان رەاني­ماتسيالىق كومەك»، «باستاپقى باعالاۋ جانە COVID-19 ينفەكتسياسى بار پا­تسيەنت­تەردى ەمدەۋ» جانە ت.ب. تا­قى­رىپ­تاعى كۋرس­تار دا ءوز تيىمدىلىگىن كور­سەتكەن.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار