وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ديسپەتچەرلىك پۋلتكە بۇگىن ساعات 13:34-تە اتىراۋ قالاسىنىڭ جۇمىسكەر شاعىناۋدانىنداعى 380 مەكەن-جايىندا ورنالاسقان تۇرعىن ۇيدەن ءتۇتىن شىعىپ جاتقانى تۋرالى حابار تۇسكەن.
«دەپارتامەنتتىڭ ءورت سوندىرۋشىلەرى ساعات 13:43-تە شاقىرتۋ ورنىنا جەتىپ, مانساردتى تۇرعىن ءۇي جانىپ جاتقانىن انىقتادى. ءورتتى سوندىرۋگە ارنايى قىزمەتتىڭ 15 قىزمەتكەرى مەن 3 تەحنيكاسى جۇمىلدىرىلدى. جالىن ساعات 13:59-دا وقشاۋلانىپ, ساعات 14:17-دە تولىق ءسوندىرىلدى. ورتەنگەن اۋماق 180 شارشى مەتردى قۇرادى», دەپ حابارلادى دەپارتامەنتتىڭ ءباسپاسوز قىزمەتى.
ورتتەن زارداپ شەككەندەر مەن قازا تاپقاندار جوق. قازىر جالىننىڭ نەدەن تۇتانعانى انىقتالىپ جاتىر.
