ۇكىمەت • 20 قىركۇيەك، 2021

ا.مامين «التىن-ەمەل» جانە «شارىن» ۇلتتىق ساياباقتارىنىڭ دامۋ تۇجىرىمداماسىمەن تانىستى

29 رەت كورسەتىلدى

17 قىركۇيەك قر پرەمەر-ءمينيسترى ەلىمىزدىڭ ەڭ ءىرى ۇلتتىق پاركتەرىنىڭ ءبىرى – «التىن-ەمەل» مەملەكەتتىك ۇلتتىق تابيعي پاركىندە ساپارمەن بولدى. ساپار اياسىندا «QazaqGeography» رەسپۋبليكالىق قوعامدىق بىرلەستىگىنىڭ باسقارما توراعاسى ورمان نۇرباەۆ پەن جوبا جەتەكشىسى جانىبەك الكەەۆ پرەمەر-مينيسترگە شارىن شاتقالىندا شاعىن ساۋلەت نىساندارىن ورناتۋ بويىنشا جۇمىس ناتيجەلەرىن ۇسىندى، سونداي-اق وسى ەكى ۇلتتىق پاركتەگى ينفراقۇرىلىمدى دامىتۋ تۇجىرىمداماسىمەن تانىستىردى، دەپ جازادى Egemen.kz.

وسىلايشا «شارىن» ساياباعىندا سۋسىز جۇمىس ىستەيتىن ەكو-اجەتحانالار، دەمالۋعا ارنالعان جاپپالار، گروتالار (ارنايى كولەڭكەلى شاتىرلار)، كەلگەن تۋريستەرگە ارنالعان اۋىز سۋ بۇرقاقتارى، سونداي-اق شولۋ الاڭدارى پايدا بولدى. ءدال وسىنداي جاعداي «التىن-ەمەل» ساياباعىنىڭ اۋماعىندا دا جاسالاتىن بولادى، ال ازىرشە مۇندا جانۋارلاردى باقىلاۋعا ارنالعان بايقاۋ مۇناراسى ورناتىلعان، ۋاقىت وتە كەلە تاعى بىرنەشە مۇنارا ورناتۋ جوسپارلانىپ وتىر.

بۇدان بولەك، «شارىن» تۋريستىك مارشرۋتىنىڭ ءبىر بولىگى بولىپ تابىلاتىن «سارايلار القابىندا» ەندى تۋريستەردى باعدارلاۋ ءۇشىن ناۆيگاتسيا جۇمىس جاسايدى.

ءدال سول «سارايلار القابىندا»، «QazaqGeography» ۇيالى وپەراتورمەن سەرىكتەستىكتە ۇيالى بايلانىس انتەننالارىن ورناتتى. ەكوتۋريزمدى دامىتۋ جانە «جاسىل» تەحنولوگيالاردى پايدالانۋ، قورشاعان ورتانى ساقتاۋ بويىنشا «QazaqGeography» مىندەتتەرىن ەسكەرە وتىرىپ، انتەننالاردى ەلەكتر قۋاتىمەن قامتاماسىز ەتۋ كۇن باتارەيالارى جانە جەل گەنەراتورلارىنىڭ كومەگىمەن جۇرگىزىلەتىنىن اتاپ وتكەن ءجون: وندىرىلگەن ەلەكتر قۋاتى ارنايى اككۋمۋلياتورلاردا جيناقتالادى جانە ستانتسيانى تاۋلىك بويى ەنەرگيامەن قامتاماسىز ەتۋگە مۇمكىندىك بەرەدى.

1

«بىرتىندەپ، ءبىز باستى ماقساتىمىز – ۇلتتىق تابيعي ساياباقتاردى بارىنشا ساپالى ءارى ىڭعايلى ينفراقۇرىلىممەن قامتاماسىز ەتۋگە، تابيعاتىمىزدىڭ بىرەگەيلىگىن، تۇتاستىعى مەن تازالىعىن ساقتاي وتىرىپ، تۋريستەر ءۇشىن تارتىمدى ەتۋگە سەنىممەن قادام باسىپ كەلەمىز. «QazaqGeography» قوعامنىڭ تابيعاتقا دەگەن قاتىناسىن جاقسى جاققا وزگەرتۋگە، بۇكىل حالىقتىڭ ۇلتتىق قازىناسى مەن اتا-بابالارىمىزدىڭ مۇراسىنا دەگەن قامقورلىعىن تاربيەلەۋگە جانە دارىتۋعا نيەتتى. سونداي-اق، ءبىزدىڭ باس سەرىكتەسىمىز Kaspi.kz كومپانياسى ەكەنىن اتاپ وتكىم كەلەدى، سونىڭ ارقاسىندا ءبىز بۇل جوبالاردى مەملەكەت قارجىسىن پايدالانباي جۇزەگە اسىرىپ جاتىرمىز»، دەدى «QazaqGeography» باسقارما توراعاسى ورمان نۇرباەۆ.

پرەمەر-مينيستر ءوز كەزەگىندە قوعامدىق بىرلەستىكتىڭ جۇمىسىن جوعارى باعالاپ، ۇلتتىق ساياباقتاردى ودان ءارى دامىتۋ جونىندە بىرقاتار تاپسىرمالار بەردى.

«QazaqGeography» قب باس سەرىكتەسى Kaspi.kz ەكەنىن اتاپ وتكىمىز كەلەدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار