ايماقتار • 20 قىركۇيەك، 2021

قوستانايدا جارىلىس كەزىندە زارداپ شەككەن ەكى ادام كوز جۇمدى

27 رەت كورسەتىلدى

قوستاناي قالاسىندا گاز-اۋا قوسپاسىنىڭ جارىلىسىنان زارداپ شەككەن ەكى ەر ادام اۋرۋحانادا كوز جۇمدى، دەپ حابارلايدى Egemen.kz.

قوستاناي وبلىسى دەنساۋلىق ساقتاۋ باسقارماسىنىڭ ءباسپاسوز حاتشىسى كسەنيا جىلقىباەۆا حابارلاعانداي، بورودين كوشەسىندەگى وقيعا سالدارىنان زارداپ شەككەندەر قايتىس بولدى.

«وكىنىشكە وراي، بورودين كوشەسىندەگى جارىلىستان 1995 جانە 1984 جىلى تۋعان ەكى ادام دا كۇيىك اۋرۋىنان قايتىس بولدى. كۇيىك اۋرۋى - بۇل اۋقىمدى كۇيىك سالدارىنان داميتىن ورگاندار مەن جۇيەلەر قىزمەتىنىڭ كەشەندى بۇزىلۋى»، دەپ حابارلادى وبلىستىق ۆەدومستۆودان.

ەسكە سالا كەتسەك، 2021 جىلدىڭ 16 قىركۇيەگىندە قوستانايدا جەكە تۇرعىن ءۇي اۋماعىندا، گاراج جەرتولەسىندە جارىلىس بولدى. زارداپ شەككەن ەكى ەر ادام رەانيماتسياعا ءتۇستى - ەكەۋى دە ءۇشىنشى دارەجەلى كۇيىك الدى، بىرەۋىندە دەنەنىڭ - 80%-ى، ەكىنشىسىندە 35%-ى زارداپ شەكتى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار