ايماقتار • 20 قىركۇيەك، 2021

بۇۇ الماتىدا اۋعانستانعا كومەك كورسەتەتىن حاب قۇرۋدى ماقۇلدادى – ءسىم

21 رەت كورسەتىلدى

قازاقستان بيلىگى الماتىدا اۋعانستانعا گۋمانيتارلىق كومەك كورسەتۋ حابىن اشۋ باستاماسىن كوتەرگەن بولاتىن. بۇۇ بۇل يدەيانى ماقۇلدادى، دەپ حابارلايدى Egemen.kz.

بۇعان دەيىن قازاقستاننىڭ بىرىككەن ۇلتتار ۇيىمى جانىنداعى تۇراقتى وكىلى ماعجان ءىلياسوۆ حاب قۇرۋدى ۇسىنعان بولاتىن. ول جەردە اۋعانستانعا كورسەتىلەتىن حالىقارالىق گۋمانيتارلىق كومەك ساقتالىپ، ۇلەستىرىلەتىن بولادى. 

«قازاقستان باستاماسى بۇۇ رەسمي وكىلدەرىنىڭ الدىن الا وڭ باعاسىن الدى. بۇگە-شىگەسى بارلىق تاراپپەن كەلىسىلگەننەن كەيىن جان-جاقتى تالقىلاناتىن بولادى»، دەلىنگەن قازاقستان سىرتقى ىستەر مينيسترلىگىنىڭ ريا نوۆوستي سۇراۋىنا جاۋابىندا.

ۆەدومستۆو بۇل يدەيا اۋعانستاندا گۋمانيتارلىق اپاتتىڭ الدىن الۋ بويىنشا الەم قاۋىمداستىعىنا قولداۋ كورسەتۋگە باعىتتالعانىن حابارلادى.

«بۇل حاب اۋعانستان ەكونوميكاسى قۇلدىراۋىنىڭ، بوسقىندار لەگى ارتۋىنىڭ جانە وزگە گۋمانيتارلىق سالداردىڭ الدىن الۋعا سەپ بولار ەدى. اۋعانستانعا كومەك ۇلەستىرەتىن حالىقارالىق ورتالىققا اينالا الادى»، دەدى مينيسترلىكتە.

مينيسترلىك كولىك لوگيستيكاسى تۇسىنان دا الماتى ىڭعايلى ورنالاسقانىن اتاپ ءوتتى (ۇشاقپەن كابۋلعا دەيىن 3 ساعاتتان از). بۇعان قوسا، ترانزيتتىك حاب ۇيىمداستىرۋعا قاجەتتى ينفراقۇرىلىم بار.


سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار