ۇكىمەت • 20 قىركۇيەك، 2021

ماۋلەن اشىمباەۆ: 16 زاڭ جوباسى ازىرلەنەدى

18 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا دەپۋتاتتار 2021 جىلعى 23 قىركۇيەك كۇنى وتەتىن سەنات وتىرىسىنىڭ كۇن ءتارتىبىن بەكىتتى، دەپ جازادى Egemen.kz.

الداعى بەيسەنبىدە سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا قارايدى.

ودان بولەك، بيۋرو وتىرىسىندا پالاتا كوميتەتتەرىنىڭ توراعالارى سەناتورلاردىڭ زاڭ جوبالارىنا باستاماشىلىق جاساۋىنا قاتىستى اتقارىلىپ جاتقان جۇمىستار جونىندە ەسەپ بەردى.

«وتكەن سەسسيادا سەنات دەپۋتاتتارى بەلسەندىلىك تانىتىپ، 7 زاڭ جوباسىنا باستاماشىلىق جاسادى. جاڭا سەسسيادا بۇل جۇمىستىڭ قارقىنى ۇلعايا تۇسپەك. وسى سەسسيادا سەناتورلار 16 زاڭ جوباسى بويىنشا باستاماشىلىق جۇمىستى باستاپ كەتتى. مەملەكەت باسشىسىنىڭ تاپسىرماسىنا سايكەس ادام قۇقىقتارى جونىندەگى ۋاكىل تۋرالى زاڭ جوباسى مەن وعان ىلەسپە زاڭ جوبالارىن، سالىق كودەكسىنە وزگەرىستەر مەن تولىقتىرۋلار ەنگىزۋ تۋرالى جانە عىلىم ماسەلەلەرى جونىندەگى زاڭ جوبالارىن جىل سوڭىنا دەيىن قابىلداۋىمىز كەرەك»، دەدى ماۋلەن اشىمباەۆ.

سەناتورلاردىڭ باستاماشىل بولۋىمەن دايىندالاتىن نورمالاردىڭ قاتارىندا مۇگەدەكتىگى بار ازاماتتاردىڭ ءومىر ءسۇرۋ ساپاسىن جاقسارتۋ ماسەلەلەرى تۋرالى زاڭ جوباسىن دا اتاپ وتكەن ءجون. سول ارقىلى مۇگەدەكتىگى بار بالا تاربيەلەپ وتىرعان وتباسىلاردىڭ ەرەكشە مارتەبەسىن زاڭمەن بەكىتۋ جانە ولاردىڭ تۇرعىن ءۇي جاعدايىن جاقسارتۋ مۇمكىندىكتەرىن كەڭەيتۋ كوزدەلىپ وتىر. مەملەكەت باسشىسىنىڭ تاپسىرماسى بويىنشا جايىلىم جەرلەردى پايدالانۋ ماسەلەلەرى تۋرالى باستاماشىلىق زاڭ جوباسى جايىلىم تاپشىلىعىنا بايلانىستى قالىپتاسقان جاعدايدى جاقسارتۋعا جانە اۋىل شارۋاشىلىعىنىڭ وزەكتى پروبلەمالارىن شەشۋگە ارنالادى. سونىمەن بىرگە سەناتورلار ورگانيكالىق ءونىم ءوندىرۋ جانە ونىڭ اينالىمى، ەسىرتكى قۇرالدارى مەن جاڭا سينتەتيكالىق زاتتاردىڭ زاڭسىز اينالىمىنا قارسى كۇرەستى كۇشەيتۋ جانە تاعى باسقا ماڭىزدى ماسەلەلەر بويىنشا زاڭ جوبالارىن ازىرلەپ جاتىر.

وتىرىس بارىسىندا سەناتورلار باستاماشىلىق ەتەتىن زاڭ جوبالارىنىڭ ءبارى حالىقتى تولعاندىرعان ماڭىزدى ماسەلەلەردى شەشۋگە جانە زاڭناماداعى كەيبىر ولقىلىقتاردى جەتىلدىرۋگە ارنالعان ەلىمىز بەن قوعامىمىز ءۇشىن قاجەتتى نورمالار ەكەنى ايتىلدى.

سونداي-اق، سەنات بيۋروسىنىڭ مۇشەلەرى تمد-نىڭ پارلامەنتارالىق اسسامبلەياسىنداعى قازاقستان پارلامەنتىنىڭ وكىلەتتى وكىلى لاۋازىمىنا يگور مۇساليموۆتىڭ كانديداتۋراسىن قاراپ، بەكىتتى.

بۇدان باسقا، وتىرىستا ماجىلىستەن كەلىپ تۇسكەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باسقارۋ دەڭگەيلەرى اراسىندا وكىلەتتىكتەردى قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى جۇمىس ءۇشىن سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنە بەرىلدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار