بۇل ءۇشىن بيلىك ەلگە كەلەتىن العاشقى 500 مىڭ مەيمانعا تەگىن ۆيزا تاراتۋ جوباسىن قولعا الماق نيەتتە. بۇل تۋرالى جەرگىلىكتى اقپارات اگەنتتىكتەرى ەلدىڭ ىشكى ىستەر مينيسترلىگىنە سىلتەمە جاساي وتىرىپ حابارلايدى. بيلىكتىڭ بۇل شەشىمىنە ايماقتاعى ەپيدەميولوگيالىق احۋالدىڭ وڭالۋى سەبەپ.
ايتا كەتەيىك, ساياحاتشىلارعا ەلەكتروندى ۆيزا بەرۋ ءتارتىبى وتكەن جىلدىڭ ناۋرىزىندا توقتاتىلعان. بۇعان جەر-جاھاندى جايلاعان پاندەميا سەبەپ بولدى. بۇگىندە ۇندىستانعا تۋريستەر ءۇشىن 1 ايلىق ۆيزانىڭ قۇنى ورتا ەسەپپەن 25 دوللار, ال ءبىر جىلعا 40 دوللار تۇرادى.
جاڭا جوبا مەملەكەت قازىناسىنا 10 ملن 800 مىڭ اقش دوللارىنا باعالانىپ وتىر. تۋريستەرگە ناقتى قانداي تالاپ قويىلاتىنى ازىرگە بەلگىسىز. بولجام بويىنشا شەتەل ازاماتى مىندەتتى تۇردە كوروناۆيرۋسقا قارسى ەگىلۋى ءتيىس.
