«جالعان «جارىلعىش زات» قويىلاتىن نىساندار ولار كوبىنەسە ادامدار كوپ جينالاتىن ورىندار, مەملەكەتتىك ورگاندار مەن ءبىلىم بەرۋ مەكەمەلەرى, كولىك ينفراقۇرىلىمىنىڭ وبەكتىلەرى بولادى. بۇگىنگى تاڭدا قۇقىق قورعاۋ ورگاندارىندا مۇنداي قىلمىستارمەن كۇرەسۋگە بارلىق مۇمكىندىك بار, زاماناۋي تەحنيكالىق قۇرالدارمەن جابدىقتالعان», دەدى دارحان رازۋەۆ.
ونىڭ ايتۋىنشا, قوڭىراۋ شالعان ادام داۋىسىن وزگەرتسە دە, سيم-كارتاسى مەن تەلەفونىن اۋىستىرسا دا, ول ءبارىبىر تابىلادى.
«قىلمىستاردىڭ 90 پايىزدان استامى ء«ىزى سۋىماي» كەزەكشى تاۋلىكتە اشىلدى. ستاتيستيكاعا سۇيەنسەك, سوڭعى ون جىلدا وسى ساناتتاعى قىلمىس ەداۋىر ازايدى. اتاپ ايتقاندا, 2011 جىلى 123 فاكتى تىركەلگەن بولسا, بىلتىر 50 فاكتى تىركەلگەن. بيىل 8 اي ىشىندە 52 قىلمىستىق ءىس تىركەلدى, ونىڭ 28-ءى سوتقا جولداندى. قازىرگى ۋاقىتتا 16 ادامعا قاتىستى ۇكىم شىعارىلدى», دەدى ول.
دارحان رازۋەۆتىڭ ايتۋىنشا, قازاقستاندا تەرروريزم اكتىسى تۋرالى كورىنەۋ جالعان حابارلاما ءۇشىن بەس مىڭ ايلىق ەسەپتىك كورسەتكىشكە دەيىن ايىپپۇل تولەۋ نەمەسە وسى كولەمدە تۇزەۋ جۇمىستارىنا تارتۋ, سونداي-اق 5 جىلعا دەيىن باس بوستاندىعىنان ايىرۋ نەمەسە شەكتەۋ جازاسى قولدانىلادى.
«وسى قىلمىستى جاساعانى ءۇشىن 14 جاسقا تولعان ادامدار قىلمىستىق جاۋاپقا تارتىلادى, سوندىقتان مۇنى مەكتەپ وقۋشىلارى ءبىلۋى ءتيىس. سونىمەن قاتار وسىنداي حابارلامانىڭ كەسىرىنەن كەلتىرىلگەن بارلىق شىعىن وتەلۋى ءتيىس. مۇنداي ارەكەتتى كامەلەتكە تولماعان بالا جاساعان بولسا, شىعىندى اتا-اناسى وتەيدى», دەدى ول.
