كەڭەس قۇرامىنا پرەزيدەنت جانىنداعى مەملەكەتتىك باسقارۋ اكادەمياسىنىڭ پرەزيدەنتى ەرلان ءابىل, ءماجىلىس دەپۋتاتى ايدوس سارىم, م.نارىكباەۆ اتىنداعى قازگيۋ رەكتورى تالعات نارىكباەۆ جانە مۇرات ابەنوۆ, يسيدور بورچاشۆيلي, مارات ءباشىموۆ, كاكىمجان بيشمانوۆ, اينۇر ءسابيتوۆا, مەلس سەمعاليەۆ, ەربول وستەمىروۆ سىندى قوعام قايراتكەرلەرى مەن بەلسەندىلەرى كىردى. قوعامدىق كەڭەستىڭ توراعالىعىنا اشىق سايلاۋ ارقىلى «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالى سايلاندى.
وتىرىستا اتاپ وتىلگەنىندەي, جاڭا زاڭ تالاپتارىنا سايكەس قوعامدىق كەڭەس ەندى نورماتيۆتىك-قۇقىقتىق اكتىلەردىڭ جوبالارىن جانە ازاماتتاردىڭ وتىنىشتەرىن ولاردىڭ قوعامدىق ماڭىزىنا قاراي وزدىگىمەن الىپ, قاراستىرا الادى. سونىمەن قاتار جەرگىلىكتى دەڭگەيدە قۇقىق قورعاۋ ورگاندارى باسشىلارىنىڭ ەسەپتەرىن تىڭداۋعا, مەملەكەتتىك ورگاندار مەن كۆازيمەملەكەتتىك سۋبەكتىلەردىڭ مەملەكەتتىك ساتىپ الۋلار جونىندەگى كونكۋرستىق كوميسسيالارىنا قاتىسۋعا قۇقىلى. ياعني قوعام وكىلدەرى اگەنتتىك قىزمەتىندە بولىپ جاتقان بارلىق ۇدەرىستەرگە بەلسەندى تارتىلاتىن بولادى.
