قازاقستان • 19 قىركۇيەك، 2021

ايدا بالاەۆا وزبەكستانداعى قازاق مادەني ورتالىقتارىنىڭ وكىلدەرىمەن كەزدەستى

28 رەت كورسەتىلدى

بۇگىن، 2021 جىلعى 19 قىركۇيەكتە، تاشكەنتتە قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى ايدا بالاەۆا وزبەكستانداعى قازاق مادەني ورتالىقتارىنىڭ وكىلدەرىمەن كەزدەستى، دەپ جازادى Egemen.kz.

كەزدەسۋ بارىسىندا مينيستر مەملەكەت باسشىسى قاسىم-جومارت توقاەۆ جاقىندا بولعان قازاقستان حالقىنا جولداۋىندا  كوشى-قون ساياساتىنىڭ جاڭا تۇجىرىمداماسىن ازىرلەۋگە باستاما بەرگەنىن، سونداي-اق، جالپى تاريحي وتانىنا كەلەتىن قانداستاردىڭ بەيىمدەلۋىنە جاردەمدەسۋگە قابىلەتتى سۇراقتار وزەكتەندىرىلگەنىن ايتتى.

1

بۇدان باسقا، ايدا بالاەۆا وسىدان بۇرىن قانداستارعا قازاقستان ازاماتتىعىن الۋ بويىنشا ءتيىستى قۇجاتتاردى بەرۋ، قانداستار قاتارىنداعى جاستار ءۇشىن قازاقستاننىڭ جوعارى وقۋ ورىندارىندا بەرىلەتىن كۆوتالار تۋرالى مەملەكەتتىك قىزمەتتەر كورسەتۋ ءراسىمى مەن مەرزىمدەرى ايتارلىقتاي جەڭىلدەتىلگەنىن اتاپ ءوتتى.

2

سونىمەن قاتار، ايدا بالاەۆا قازاق حالقىنىڭ مادەنيەتى مەن ءتىلىن ساقتاۋدىڭ ماڭىزدىلىعىن اتاپ ءوتتى. ەسكە سالا كەتەيىك، وزبەكستاندا الەمدەگى ءىرى قازاق قاۋىمداستىقتارىنىڭ ءبىرى تۇرىپ جاتىر جانە وتكەن جىلى قازاقستاننىڭ اقپارات جانە قوعامدىق دامۋ، سىرتقى ىستەر مينيسترلىكتەرىنىڭ قولداۋىمەن وسى ەلدىڭ استاناسى تاشكەنتتە «Abai Uii» مادەني-ىسكەرلىك ءۇيى اشىلدى.

3

مينيسترمەن كەزدەسۋگە وزبەكستان قازاق جۇرتشىلىعىنىڭ كورنەكتى وكىلدەرى، ونىڭ ىشىندە رەسپۋبليكالىق قازاق ۇلتتىق مادەني ورتالىعىنىڭ توراعاسى س.ۇسەنوۆ، اكادەميك، پروفەسسور ق.سەيدانوۆ جانە باسقالار قاتىستى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار