تاريح • 19 قىركۇيەك، 2021

ءبىر عاسىر بۇرىنعى مەشىت تابىلدى

411 رەت كورسەتىلدى

بقو-داعى ارحەولوگيالىق قازبا جۇمىسى ناتيجەسىندە مەشىتتىڭ ورنى انىقتالدى. بۇل تۋرالى باتىس قازاقستان تاريح جانە ارحەولوگيا ورتالىعىنىڭ ديرەكتورى جانتاس سافۋللين الەۋمەتتىك جەلىدەگى پاراقشاسىندا جازدى، دەپ جازادى Egemen.kz.

«قابىرعاسى قىزىل كىرپىشتەن قالانعان، قالىڭدىعى 80 سم، سىرتى اق كىرپىشپەن قاپتالعان، ءىشى ادەمى كومكەرىلگەن مەشىت بولعانى انىق بولدى. اقمەشىتتىڭ مەدرەسەسىندە ابۋباكىر (كەردەرى) بورانقۇل ۇلى ءدارىس بەرگەن، جۇماعازى حازىرەت جۇما نامازىن وسىندا كەلىپ وقىعان دەپ ايتىلادى. حامزا ەسەنجانوۆتىڭ «اق جايىق توڭكەرىس ۇستىندە» شىعارماسىندا «جايىقتىڭ ىشكى بەتىندەگى اتاقتى مەشىتتىڭ ءبىرى» دەپ كورسەتكەن مەشىت وسى ەكەنىنە كۇمانىم جوق. بۇندا سول ءوڭىردىڭ يگى جاقسىلارى تۇراقتى جيىلاتىندىعى جازىلعان. جانىندا بالا وقىتاتىن ەكى مەدرەسە بولعانى، بالالار الدىمەن وسىندا ءبىلىم الاتىنى دا ايتىلعان. شىعارمادا ءۇش جۇزدەي ءۇي بار دەلىنگەن. ارحەولوگ مۇرات قالمەنوۆ ەكى جۇزدەي ءۇيدىڭ ورنى بايقالادى دەيدى. سوندا بۇل جەر اۋىل ەمەس، قالا دەپ ايتۋعا كەلەتىن ۇلكەن ورتالىق بولعان. ۇلكەندەردىڭ ايتۋى بويىنشا بۇل مەشىت 1929 جىلدارى شاماسىندا قۇلاتىلىپتى»، دەپ جازدى ول.

1

ول ەندىگى جۇمىس وسى قازبا بارىسىندا اشىلعان مەشىت ورنىن مال تاپامايتىن، جاڭبىر مەن قار جاۋمايتىن ەتىپ جابىن جاساۋ كەرەك ەكەنىن ايتتى.

2

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار