ايماقتار • 18 قىركۇيەك، 2021

ساپارباەۆ بايزاقتاعى جوندەۋ جۇمىستارىمەن تانىستى

33 رەت كورسەتىلدى

جامبىل وبلىسىنىڭ اكىمى بەردىبەك ساپارباەۆ بايزاق اۋدانىنداعى جارىلىستان كەيىن قالپىنا كەلتىرۋ جۇمىستارى ءجۇرىپ جاتقان قاينار اۋىلىنا باردى، دەپ جازادى Egemen.kz.

جوندەۋ-قۇرىلىس شارالارىمەن التى كومپانيا اينالىسىپ جاتىر. ولار 19 ءۇيدى ولار تولىقتاي جوندەۋدەن وتكىزىپ جاتىر. مەردىگەرلەر جاقىن ارادا تۇرعىندار ءوز ۇيلەرىنە ورالاتىنىنا سەندىردى. ال، «اسكەري قالاشىق» دەپ اتالاتىن اۋماقتاعى كوپقاباتتى تۇرعىن ۇيلەر تولىقتاي كۇردەلى جوندەۋدەن وتكەن. اسكەريلەردىڭ مۇندا قايتا قونىستانۋى ءۇشىن نىسان تولىعىمەن دايىن.
ۇيلەردىڭ جوندەۋ جۇمىستارىنا ساپاسىنا ايرىقشا نازار اۋدارعان وبلىس اكىمى ءار ءۇيدىڭ يەلەرىمەن جەكە-جەكە كەزدەسىپ، ىستەلىپ جاتقان شارۋاعا ولاردىڭ بەرەر باعاسىن دا سۇرادى.

ارى قاراي ايماق باسشىسى «تاۋدوس» كافەسىنىڭ قۇرىلىسىمەن دە تانىستى.

قۇرىلىسشىلار وبلىس اكىمىنىڭ تاپسىرماسىنا سايكەس بارلىق جۇمىستى ەكى ايدا اياقتاۋعا كۇش سالىپ جاتىر.

سونداي-اق، ايماق باسشىسى تاراز قالاسىنداعى جاۋعاش باتىر كوشەسىنىڭ بويىندا ورنالاسقان №22 ورتا مەكتەبىنىڭ قۇرىلىس بارىسىن باقىلاپ قاتستتى. بىلتىر باستالعان جۇمىستار بيىل قىركۇيەك ايىنىڭ اياعىنا دەيىن اياقتالۋى ءتيىس.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار