سپورت • 18 قىركۇيەك، 2021

دارىن قونىسباەۆ ترياتلوننان ازيا چەمپيونى اتاندى

25 رەت كورسەتىلدى

بۇگىن قىرعىزستاننىڭ شولپان-اتا قالاسىندا ترياتلون سپرينتتەن ازيا چەمپيوناتى ءوتتى، دەپ جازادى Egemen.kz.

ايەلدەر اراسىنداعى سىندا قازاقستاندىق ەكاتەرينا شابالينا كۇمىس جۇلدەگەر اتاندى. ۇوك ءباسپاسوز قىزمەتىنىڭ حابارلاۋىنشا، ول وليميادالىق قاشىقتىق بويىنشا ازيا چەمپيوناتىنداعى ۇزدىك التىلىققا ەنگەن.

بىرىنشىلىكتىڭ التىن جانە قولا جۇلدەسىن جاپونيالىق ساريكا ناكاياما مەن چيساتو ناكادجيما يەلەندى.

كوماندانىڭ وزگە دە مۇشەلەرى نادەجدا بەكماعانبەتوۆا - 4-ءشى، يۋليا وزەروۆا 8-ءشى ورىننان كورىنگەن. 

ەرلەر اراسىنداعى باسەكەدە ەكى قازاقستاندىق سپورتشى ۇزدىك ناتيجە كورسەتتى. دارىن قونىسباەۆ ازيا چەمپيونى اتانسا، ايان بەيسەنباەۆ قولانى قاناعات تۇتتى. جاپوندىق كيوتارو يوشيكاۆا كۇمىس جۇلدەنى يەلەندى.

مەيىرلان ىسقاقوۆ - 7-ءشى، تەمىرلان تەمىروۆ 8-ءشى ساتىدان كورىندى.

15 جاسقا دەيىنگى سپورتشىلار اراسىندا جەڭىستى قازاقستاندىق سپورتشىلار ءوزارا ءبولىستى. نيكيتا دۋبينسكي - التىن، ستانيسلاۆ گلوك - كۇمىس، تيمۋر باكىروۆ قولا جۇلدە جەڭىپ الدى. 

قىزدار اراسىنداعى سىندا قازاقستاندىق ديانا ەرجانوۆا توپ جاردى. تاعى ءبىر قازاقستاندىق سپورتشى انگەلينا رەدچەنكو ۇزدىك ۇشتىكتى تۇيىقتادى. 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار