ايماقتار • 17 قىركۇيەك، 2021

تۇركىستان وبلىسىندا ەكى مىڭعا جۋىق وقۋشى ونلاينعا كوشتى

66 رەت كورسەتىلدى

تۇركىستان وبلىسىندا 1777 وقۋشىنىڭ ساباعى ونلاين فورماتقا كوشىرىلدى. بۇل تۋرالى وبلىستىق سەبد ءباسپاسوز قىزمەتى مالىمەت تاراتتى، دەپ حابارلايدى Egemen.kz.

دەپارتامەنتتىڭ مالىمەتىنشە، جاڭا وقۋ جىلى باستالعانان بەرى 16 قىركۇيەككە دەيىن وبلىستا 31 مۇعالىم، 108 وقۋشى كوروناۆيرۋس ينفەكتسياسىنا شالدىققان.

ەپيدەمياعا قارسى ءىس-شارالار بارىسىندا ناۋقاستارمەن قارىم-قاتىناستا بولعان 1777 وقۋشى، 71 سىنىپ 14 كۇندىك ءۇي كارانتينىنە وقشاۋلانىپ، وقۋلارى ونلاين فورماتقا كوشىرىلدى.

سونداي-اق وبلىستا 934 ءبىلىم بەرۋ ۇيىمى 100% «ASHYQ» باعدارلاماسىن ەنگىزىلگەن. سانيتاريالىق-ەپيدەميولوگيالىق باقىلاۋ باسقارمالارى جاڭا وقۋ جىلى قارساڭىندا «ZOOM» پلاتفورماسى ارقىلى مەكتەپ ديرەكتورلارى مەن مەديتسينا قىزمەتكەرلەرى اراسىندا كوروناۆيرۋستىق ينفەكتسيانىڭ الدىن-الۋ بويىنشا سەمينارلار وتكىزگەن.

«كوروناۆيرۋستىق ينفەكتسيانىڭ تارالۋىن بولدىرماۋعا باعىتتالعان اقپاراتتىق-ءتۇسىندىرۋ جۇمىستارى جالعاستىرىلۋدا.

قر بمسد قاۋلىسىنا سايكەس، جاۋاپتى قىزمەتكەرلەر بارلىق پەداگوگتەرگە، پەرسونال مەن ءبىلىم الۋشىلارعا بايلانىسسىز تەرمومەترمەن، قولدى انتيسەپتيكپەن وڭدەۋ جۇرگىزۋدى، ءار قاباتتا قولجەتىمدى جەرلەردە انتيسەپتيگى بار سانيتايزەرلەر، لاس ماسكالاردى جيناۋعا ارنالعان تاڭبالانعان سىيىمدىلىقتار (ۋرنالار) ورناتىلىپ، دوزاتورلارداعى سابىننىڭ، قول جۋ قاعيدالارى بار پلاكاتتاردىڭ بولۋى قاجەت»، دەلىنگەن دەپارتامەنتتىڭ حابارلاماسىندا.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار