«ەر ادام پسيحوتروپتىق زاتتاردى بايلانىسسىز تۇردە ساتۋمەن اينالىسقان. جەرگىلىكتى تۇرعىنداردىڭ نازارى قىلمىسكەردى ۇستاۋعا كومەكتەستى. ولار كۇدىكتى جىگىتتى بايقاپ, بۇل تۋرالى ۋچاسكەلىك ينسپەكتورعا حابارلادى, ول اتالعان مەكەنجايعا دەرەۋ كەلىپ, ونى ۇستادى», دەپ حابارلادى الماتى پد باستىعىنىڭ ورىنباسارى رۋستام ءابدىراحمانوۆ.
ونىڭ ايتۋىنشا, جەكە تەكسەرۋ جۇرگىزۋ كەزىندە كۇدىكتىدەن ەسىرتكىنىڭ ورالعان 33 ءتۇيىنى تاركىلەنىپ, تاعى ەكەۋى كىرەبەرىستىڭ جانىندا تابىلدى.
اتالعان فاكتى قر قك 296-بابى 4-بولىگى بويىنشا سوتقا دەيىنگى تەرگەۋدىڭ بىرىڭعاي تىزىلىمىندە تىركەلىپ, حيميالىق ساراپتاما تاعايىندالدى.
«ەسىرتكىنى وتكىزۋ ارناسىن بەلگىلەۋ جانە «جۇمىس بەرۋشى» دەپ اتالاتىن تۇلعانى انىقتاۋ بويىنشا جەدەل ءىس-شارالار كەشەنى جۇرگىزىلۋدە. سوتقا دەيىنگى تەرگەپ-تەكسەرۋدى جۇرگىزۋ بوستاندىق اۋداندىق پب تەرگەۋشىلەرىنە تاپسىرىلدى», دەپ اتاپ ءوتتى ءابدىراحمانوۆ.
