اسان ۇلى اتاپ وتكەندەي, 2 اەك-تەن كەم پارا بەرۋ پارا بەرۋشىنى جاۋاپكەرشىلىكتەن بوساتپايدى.
«زاڭسىز ماتەريالدىق سىياقىنىڭ جانە سىيلىقتاردىڭ مۇنداي ءتۇرى 200 اەك مولشەرىندە ايىپپۇل تۇرىندە اكىمشىلىك جاۋاپكەرشىلىككە اكەپ سوعادى. مۇنداي قۇقىق بۇزۋشىلىقتار, قىلمىستىق نەمەسە اكىمشىلىك بولسىن, ءسىزدىڭ جەكە ىسىڭىزدە ءىز قالدىرادى. بۇل ءسىز ءۇشىن دە, جاقىندارىڭىز ءۇشىن دە جاعىمسىز سالدارعا اكەلۋى مۇمكىن. مىسالى, بۇل مەملەكەتتىك قىزمەتكە جانە كۆازيمەملەكەتتىك سەكتورعا جۇمىسقا ورنالاسۋعا كەدەرگى بولادى. سونداي-اق ەڭبەك كودەكسىنىڭ 52-بابىنا سايكەس سىبايلاس جەمقورلىق قۇقىق بۇزۋشىلىق جاساۋ جۇمىس بەرۋشىنىڭ ءوزىنىڭ باستاماسى بويىنشا ەڭبەك شارتىن بۇزۋ ءۇشىن نەگىز», دەدى عانيجان اسان ۇلى.
سىبايلاس جەمقورلىق كورىنىستەرىنە كەزىككەن جاعدايدا, بۇل تۋرالى سىبايلاس جەمقورلىققا قارسى قىزمەتتىڭ تاۋلىك بويعى call-ورتالىعىنا 1424 ءنومىرى بويىنشا حابارلاسۋعا بولادى.
«قوڭىراۋ شالۋ تەگىن. اقپارات راستالعان جاعدايدا 80 مىڭنان 11 ملن تەڭگەگە دەيىنگى اقشالاي سىياقى بەرىلەدى», دەدى ول.
